भांगरभूंय | प्रतिनिधी
पणजी : हालींच जाहीर जाल्ल्या गोंय मुळाव्या आनी उच्च माध्यमीक शिक्षण मंडळाच्या यत्ता १० वेचे परिक्षेंत विहान समीर च्यारी हांणी ९५ टक्क्यां परस चड गूण मेळोवन येस मेळयलें. विहानान कोंकणी विशयांत १०० मदले ९९ गुण मेळोवन पुराय गोंयांत पयलो येवपाचो मान मेळयलो.
विहान पर्वरेच्या एसीडीआयएल हायस्कुलाचो विद्यार्थी. फकत शाळेच्या पांवड्यार न्हय तर तांणी पुराय मतदारसंघांत तो मुखार आसा. आपल्या आवडिच्या कोंकणी विशयांत तांणी मेळयिल्ले ९९ गुण हें ताच्या अभ्यासाचेर आशिल्ल्या प्रभुत्वाचें प्रतीक मानतात. विहानाच्या ह्या येसाक लागून ताची तोखणाय जाता. भाशा पांवड्यार विचार केल्यार अंदूं कोंकणीचो निकाल ९५.३४ टक्के लागलो. हातूंत विहानान सगल्यांत चड ९९ टक्के गूण मेळयले.
विहानच्या ह्या येसाचें श्रेय तांणी आपले शिक्षक आनी पालकांक दिलां. ताचो बापूय समीर च्यारी आनी आई गौरी च्यारी हांणी विहानाच्या शिक्षणीक प्रवासांत ताका सदांच उर्बा दिली. विहानान मेळयिल्ल्या ह्या येसा खातीर ताका सगल्या पांवड्यार परबीं भेटयल्या. ताच्या फुडल्या उच्च शिक्षणा खातीर आनी पर्जळीत फुडारा खातीर शिक्षक, सोयरीं आनी इश्टांनी परबीं भेटयल्यां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
