भांगरभूंय | प्रतिनिधी
झाड पडून येरादारी ठप्प, घरांचेर झाडांचे खांदे पडले
वाळपय: सत्तरींत फाटल्या दोन दिसां सावन आपत्कालीन परिस्थिती निर्माण जाल्या. हांगा सैमीक संपत्तीचें व्हडा प्रमणांत लुकसाण जालां. शेनवारा रातीं नाणूस हांगा कांय वाठारांत चक्री वादळाचो फटको बसलो. हातूंत घरांचें व्हडा प्रमाणांत लुकसाण जालें. जाल्यार फकत एका किलोमीटरच्या अंतराचेर वट्ट पंदरा सुवातांचेर झाडां पडिल्ल्यान येरादारी ठप्प जाली.
आयतारा सकाळीं परत वाळपय शारांत आनी आशिकुशीकच्या वाठारांनी लुकसाण जावपाचो प्रकार घडलो.
नाणूस बेतकेकरवाडो हांगच्या विश्वनाथ गांवकार हांच्या घराचेर झाड पडून सुमार ८० हजार रुपयांचें लुकसाण जालें. जाल्यार वाळपयच्या शंकर छाया बार ऍण्ड रेस्टॉरंटाचे फाटले वटेन पार्क करून दवरिल्ल्या पवन विनायक वेलींगकार हांच्या चार चाकी वाहनाचेर झाड पडून सुमार ५० हजारांचें लुकसाण जालें. वाळपय, मासोड्डें रस्त्यार सुरेश पोकळे हांच्या घरांत आशिल्ले बेकरेचेर झाड पडून लुकसाण जावपाची घडणूक घडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
