भांगरभूंय | प्रतिनिधी
पणजी : वैजकी अभ्यासक्रम प्रवेशा खातीरच्या नीट परिक्षेक लागून गोंय शालांत मंडळान बारावेची पुरवणी परिक्षा फुडें धुकल्ल्या. पयलीं ही परीक्षा २७ एप्रिलाक सुरू जावपाची आशिल्ली. आतां ती ६ मे २०२६ हे दिसा सुरू जातली. शालांत मंडळाचे अध्यक्ष भगीरथ शेट्ये हांणी ही म्हायती दिली.
पुरवणी परिक्षा ६ मे २०२६ ते १६ मे २०२६ मेरेन चलतली. सदचे परिक्षेक कांय विशयांत नापास जाल्ले विद्यार्थी पुरवणी परिक्षेक बसतात. एखाद्या विशयांत उणे गुण मेळळे जाल्यार त्या विशयांतल्या गुणांत सुदारणा करपा खातीर लेगीत कांय विद्यार्थी पुरवणी परिक्षेक बसतात. अंदुची पुरवणी परिक्षा म्हापशें आनी मडगांव या दोन केंद्रांनी जातली. सकाळीं ९.३० ते दनपार १२.३० मेरेन पेपर जातलो.
वैजकी, दांत, आयुर्वेदीक, होमिओपॅथी ह्या पद्वी अभ्यासक्रमा खातीरचो प्रवेश नीट परिक्षेच्या गुणांचेर जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
