भांगरभूंय | प्रतिनिधी
नवी दिल्ली, खबरां संस्थाः संवसारभर जेवणाचो विशय येता तेन्ना भारतीय खाणां-जेवणाचे नांव घेवप जाताच. कारण भारतीय आहार हो एक परिपूर्ण आहार मानतात. भारतीय जेवणां मदीं शिवराक जेवण जावं, नुस्तें जेवण वा चिकन, मटन जेवण आसूं हातूंत जायते वेगवेगळे पदार्थ आस्पावतात. असोच एक भारतीय पदार्थ ‘बटर चिकन’ सध्या चर्चेत आसा. हालींच न्यूझीलंड आनी भारत हांचे मदीं प्रस्तावीत मुक्त वेपार कबलातीक न्यूझीलंडाच्या एका मंत्र्यान ‘बटर चिकन त्सुनामी’ अशें संबोधले. ग्लोबल फूड गायड टेस्टएटलसान एप्रिल 2026 वर्सा उजवाडायल्ल्या पयल्या 100 चिकनाच्या पदार्थांच्या वळेरेंत भारताचें ‘बटर चिकन’ सव्या क्रमांकाचेर आसा.
फाटल्या कांय वर्सां सावन भारत सेगीत ग्लोबल फूड प्लॅटफॉर्म टेस्टएटलसच्या उत्कृश्ट 100 खाणां-जेवणांच्या वळेरेंत पयल्या 15 क्रमांकां मदीं आसा. अंदूंच्या टेस्टअटलासाच्या वळेरेंत भारत 5 पैकी 4.43 बळिश्ट रेटिंगान 13वे सुवातेर आसा.18,912 पदार्थां खातीर 590,228 वैध रेटिंगाचेर आदारीत ही निवड केल्या.
पयल्या 100 खाद्य प्रदेशांत दक्षीण भारताचो क्रमांक 40वो आसा. खाणां-जेवणाच्या सगळ्यांत बऱ्या शारां मदीं मुंबय संवसारांत 5वे सुवातेर आसा. दिल्ली 53वे, हैदराबाद 54वे, कोलकाता 73वे आनी चेन्नय 93वे सुवातेर आसा. टेस्टएटलसाच्या उत्कृश्ट खाणां वर्गांच्या वळेरेंत भारताची बटर गार्लिक नान ही संवसारांतली क्रमांक नंबर 1 ब्रेड आसा. भाजीपाल्यांच्या पदार्थां मदीं मलाई कोफ्ता संवसारांत तिसऱ्या क्रमांकाचेर आसा. संवसारांतल्या उत्कृश्ट मिठायांत भारतीय कुल्फीचो क्रमांक 49वो आनी फिरनी 60वे क्रमांकाचेर आसा.
#indiandish #Butterchicken #chikendish #butterchiken #nonveg #indianfood #india
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
