भांगरभूंय | प्रतिनिधी
गिमाच्या दिसांनी कांय जाणांक तकली दुखप, अशक्तपणा सारकिल्ले त्रास जातात. केन्ना केन्ना अचकीत घुंवळ येता. हाका लागून तांचे दिसपट्टे जिणेंत आडमेळीं येतात.
उश्ण गिमाच्या दिसांनी कुडीतल्यान चड घाम येता. घामा वांगडाच गरजेचे इलेक्ट्रोलाइट्सय भायर सरतात. हाका लागून तकली दुखप, थकवो येवप, घुंवळ येवप वा दुबळेपण सारकिल्लीं लक्षणां जाणवतात.
वैजकी भाशेत हाका ‘हीट हेडेक’ अशें म्हण्टात. म्हाळ्यार कुडीक उश्णतायेचो त्रास जावप.
हीट हेडेक म्हणल्यार कितें?
गरमीच्या दिसांनी वाडट्या तापमानाक, उश्णतायेक लागून तकली दुखप म्हळ्यार हीट हेडेक. खर उश्णताय, सुर्याचो उजवाड वा कुडीचें तापमान चड वाडल्यार अशें जाता. हाका ‘हीट-इंड्यूस्ड हेडेक’ अशेंय म्हण्टात.
उश्ण वातावरणांत चड वेळ रावल्यार कुडीचें तापमान वाडटा. हाका लागून तकलेंत दाब वाडटा वा तकली जड जाता. तशेंच तान, घुंवळ येवप, दुबळेपण, चड घाम येवप अशीं लक्षणां दिसूंक शकतात.
हीट हेडेक टाळपा खातीर……
हायड्रेटेड रावात, खर वताचे भायर सरप टाळचें, हलके आनी सैल कपडे घालात, कॅफीन पियेवंक नाकात, जंक फूड खावंक नाकात, फावो तितली न्हीद घेवची, नाल्लाचें उदक, ताक, लिंबाचें उदक पियेवचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
