भांगरभूंय | प्रतिनिधी
आपत्कालीन कमांड सेंटर सुरू करपाचो प्रस्ताव
पणजी: गोंयाक आनीक 100 एम्बुलन्सींची गरज आसा. 108 एम्बुलन्सी मदीं समन्वय सादपा खातीर गुजरातच्या धर्तीचेर आपत्कालीन कमांड सेंटर सुरू करपाचो प्रस्ताव आसा. भलायकी मंत्री विश्वजीत राणे हांणी ही म्हायती दिली.
गोंयांत एम्बुलन्सींचो उणाव आसा. हाका लागून एकाच वेळार चड कॉल आयले जाल्यार सगल्यांक 108 एम्बुलन्स बेगीन पावा ना. अपघात घडले उपरांत रोखड्या रोखडी एम्बुलन्स अपघात थळाचेर पावपा खातीर तांचो आंकडो वाडपाची गरज आसा. आनीक 100 एम्बुलन्सीं उपलब्ध जाल्यो जाल्यार प्रतिसाद दिवपी वेळ आनीक उणो करप शक्य जातलें. तशेंच एम्बुलन्सीं मदीं समन्वय सादपा खातीर कमांड सेंटर स्थापन करपाचो प्रस्ताव आसा. जागो उपलब्ध जाले उपरांत कमांड सेंटराचो वावर सुरू करप शक्य जातलें, अशें भलायकी मंत्री विश्वजीत राणे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
