भांगरभूंय | प्रतिनिधी
पणजीः गोंय वैजकी महाविद्यालयांत सहाय्यक प्राध्यापक, लेक्चरर आनी सल्लागार नेमपा खातीर ३० पदांची नोकर भरती जाहीर केल्या. हीं पदां कंत्राटी पध्दतीचेर भरतले आनी ह्या पदां खातीर उमेदवारांची निवड थेट मुलाखती वरवी जातली, अशी जायरात गोंय वैजकी महाविद्यालयान जारी केल्या.
जायरातींत ३० पदां मदल्या ईएनटी विभागांत लेक्चरर, ओर्थोपेडीक्स विभागांत सहाय्यक प्राध्यापक, न्युरोलोजी विभागा खाला एंडोस्कोपीक स्कल बेस सर्जरी विभागांत सल्लागार आनी फिजीयोलॉजी विभागांत ट्युटर ही दरेकी एक पदां जाहीर जाल्यांत. जनरल सर्जरी विभागांत लेक्चरर, ऑप्थोमोलॉजी विभागांत लेक्चरर, मायक्रोबायोलॉजी विभांगांत ट्युटर, अनेस्थिसीया विभागांत लेक्चरर, एमर्जेन्सी मॅडीसीन विभागांत कॅज्युल्टी मॅडीकल ओफीसर खातीर दरेकी २ पदां. ओबीजी विभागांत सहाय्यक प्राध्यापक आनी ऑर्थोपेडीक्स विभागात लेक्चरर हीं दरेकी ३ पदां आनी अनेस्थिसीया विभागांत सहाय्यक प्राध्यापक ही णव पदां जाहीर जाल्यांत.
गोंय वैजकी महाविद्यालयाचे डीन ही पदां फक्त कंत्राटी आनी रजा रिती सुवात तत्वाचेर भरतले. हे पदां खातीर कोंकणीचे गिन्यान आसप गरजेचे आसा. तशेच पिराय मर्यादा ४५ वर्सा मेरेन आसा. थेट मुलाखत २८ एप्रिल २०२६ डिन कार्यालया कुशीक आशिल्ल्या कॉन्फेरेन्स हॉलांत सांजेच्या तीन वरांचेर जातली. मात उमेदवारांक सकाळीं ९.३० पयली मुळ कागदपत्रां सयत पडटाळणी खातीर हाजीर रावचें पडटलें.
ह्या पदां खातीर म्हयन्याचो पगार एक लाख ते देड लाखां परस चड आसा. न्युरोलोजी विभागा खाला एंडोस्कोपीक स्कल बेस सर्जरी विभागांत सल्लागार ह्या पदा खातीर पगार अडेज लाख मेरेन आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
