भांगरभूंय | प्रतिनिधी
पणजी : कळंगुटेच्या परबावाडो वाठारांत आंब्याच्या झाडांच्यो व्हड खांदयो कोसळून रायकर कुटुंबियांच्या चार वाहनांचें व्हड लुकसाण जालें. हे घडणुकेंत सुमार १० लाख रुपयांचें अर्थीक लुकसाण जाल्ल्याचो अदमास आसा.
हे घडणुके उपरांत पिळर्ण उजो पालोवपी दळान रोखडेंच घडणुके सुवातेर वचून झाड कापून कुशीक केलें. हे घडणुकेंत कोणाकूच कांय जावंक ना. मात अचकीत घडिल्ल्या ह्या प्रकाराक लागून वाठारांत भंयाचें वातावरण पातळिल्लें.
मजगतीं, सध्या पावसाचो अलर्ट आशिल्ल्यान धोको निर्माण जावचो न्हय म्हूण वाहनां झाडां पोंदाक दवरचीं न्हय, असो उलो उजो पालोवपी दळान केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
