भांगरभूंय | प्रतिनिधी
पणजी : तामिळनाडू, कर्नाटक मजगतीं तयार जाल्ल्या टर्फ आनी हेर वातावरणाच्या बदलाक लागून राज्यांत २० ते २३ एप्रील मजगतीं पावस पडपाची शक्यताय हवामान खात्यान उक्तायल्या. जाल्यार २३ एप्रिलाक पावसाचा येलो अलर्ट जारी केला. वयल्या चार दिसांनी विजेच्या गडगडा सयत पावसाची शक्यताय आसा. सोमारा राज्यांत बरीच खरसाण आशिल्ली. पणजेचें उण्यांत उणें तापमान २७ अंश सेल्सियस मेरेन वाडिल्लें. मुरगांवांत उण्यांत उणें तापमान २६.७ अंश सेल्सियस उरलें.
फुडले स दीस राज्यांत उण्यांत उणें तापमान २४ ते २६ अंश सेल्सियस मदीं आसपाची शक्यताय हवामान खात्यान उक्तायल्या. सोमारा पणजेंत चडांत चड तापमान ३४.२ डिग्री सेल्सियस आनी मुरगांवांत ३३.८ डिग्री सेल्सियस नोंद जालां. २४ ते २८ एप्रील ह्या काळांत राज्यांतलें हवामान सुकें उरपाची शक्यताय आसा.
फाटल्या वर्सा मार्च आनी एप्रील म्हयन्यांत राज्यांत बेमौसम पावसाची नोंद जाल्ली. पूण अंदूं हें प्रमाण उणें जालां. अंदूं राज्यांत १ ते २० एप्रील ह्या काळांत सरासरी १.३ मिमी पावसाची नोंद जाल्या.
Rain #Goa #karnatak #forcast #konkani #bhaangarbhuin
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
