भांगरभूंय | प्रतिनिधी
पणजी : मुंबय उच्च न्यायालयाचे आदले न्यायाधीश भारत पी. देशपांडे हांची गोंय मानवाधिकार आयोगाच्या अध्यक्षपदार निवड जाली. तांचे नियुक्तीचो आदेश राज्यपाल पुसापती अशोक गजपती राजू हांणी जारी केला. आयोगाक पुराय वेळ अध्यक्ष नाशिल्ल्यान इतले दीस आदलो जिल्लो आनी सत्र न्यायाधीश डेस्मंड डिकोस्ता हे कार्यकारी अध्यक्ष ह्या नात्यान कागाळ आनी याचिकांचेर सुनावण्यो घेताले. आतां पुराय वेळ अध्यक्षांची नियुक्ती जाल्ल्यान भरत पी. देशपांडे हे आयोगाचे कामकाज सांबाळटले.
निवृत्त न्यायाधीश पी. के. मिश्रा हे आयोगाचे पयले अध्यक्ष आशिल्ले. उपरांत निवृत्त न्यायाधीश यू. वी. ब्राके हे अध्यक्ष जाले. बाक्रे हांचो कार्यकाळ सोंपले उपरांत डेस्मंड डिकोस्ता हांचे कडेन कार्यकारी अध्यक्षपदाचो ताबो आशिल्लो. आतां बी. पी. देशपांडे हांची पुराय वेळ अध्यक्ष म्हणून नियुक्ती जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
