भांगरभूंय | प्रतिनिधी
मडगांव: शारांतल्या नगरपालिका उद्यानांत दोन माळयेची इमारत बांदपाच्या प्रस्तावाचेर वाद चालू आसतना ‘मडगांवचो आवाजा’चो फुडारी प्रभव नायक हांणी मडगांवचे आमदार आनी भौशीक बांदकाम मंत्री दिगंबर कामत हांणीच मडगांव नगरपालिका उद्यानांत कॅफेटेरिया आनी प्रदर्शन हॉल बांदपाचो प्रस्ताव मांडिल्लो असो आरोप केला.
28 नोव्हेंबर 2024 दिसा गोंयच्या मुख्यमंत्र्यांक सादर केल्ल्या अधिकृत नोंदीचो उल्लेख करून दिगंबर कामत हांणी सध्याची शेड मोडून थंय दोन माळयेची इमारत बांदपाची आनी तातूंत कॅफेटेरिया आनी प्रदर्शन हॉल सुरू करपाची मागणी मुख्यमंत्र्यां कडेन केल्ली अशें प्रभव हांणी कागदपत्रां सयत पत्रकारांक म्हायती दिली.
मंत्री दिगंबर कामत हांचो हो प्रस्ताव म्हणल्यार मडगांव उद्यानांत आयोजीत केल्लो गणशोत्सव दुसरे सुवातेर व्हरपाचो कट आसा असो गंभीर आरोप प्रभव नायक हांणी केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
