भांगरभूंय | प्रतिनिधी
खबरां संस्था
तेहरान : मद्य पूर्वेंत चालू आशिल्ल्या तणावा मदीं इराणांतल्यान बरी खबर आयल्या. इराणाचे विदेश मंत्री सैयद अब्बास अराघची हांणी म्हायती दिल्ले प्रमाण स्ट्रेट ऑफ होर्मूज वेवसायीक बोटीं खातीर उक्तो केला. आतां खंयच्याय देशाच्या बोटींक होर्मुजांत आडावचे नात. तेच वांगडा तांणी सांगलें, जे मेरेन लेबनानांत झुजबंदी चालू आसतली ते मेरेन स्ट्रेट ऑफ होर्मुज वेवसायीक बोटीं खातीर उक्तो आसतलो. ह्या मार्गांतल्यान बोटी इंधन आनी हेर माल घेवन पुराय सवसारभरांत वतात.
इराणाचे विदेश मंत्री सैयद अब्बास अराघाची हांणी व्हड म्हायती दितना एक्साचेर पोस्ट केलां, लेबनानांत जाल्ले झुजबंदीच्या काळा पुरतो होर्मुज उदका मार्ग सगल्या वेवसायीक बोटी खातीर उक्तो केला. थंयच्यान वचपी बोटींक इराणी इस्लामी प्रजासत्ताकाची बंदरा आनी दर्या संगठणे वतीन आदीं घोशीत केल्ल्या मार्गानूच वच्चें पडटलें. हो स्ट्रेट ऑफ होर्मुज ग्लोबल एनर्जी सप्लायचे नदरेन खुबूच म्हत्वाचो आसा. संवसारांतलें सुमार 20 टक्के कच्चें तेल आनी गॅसाची पुरवण ह्याच उदका मार्गांतल्यान जाता. हो उदका मार्ग उक्तो जाल्ल्यान आंतरराष्ट्रीय बाजारांत तेलाच्या मोलाचेर सकात्मक प्रभाव पडटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
