भांगरभूंय | प्रतिनिधी
१२ जाणांक अटक; ३३ लाखांचो माल जप्त
तिसवाडी : गोंयांत आयपीएल बेटिंग आड गुन्यांव फांट्यान बिरेस्तारा रातीं व्हड कारवाय करून तिसवाडी दोन विंगड विंगड सुवातांचेर छापे घातले. हे कारवायेंत १२ जाणांक अटक केल्या. सुमार ३३ लाख रुपयांचो माल जप्त केला.
हे विशीं मेळिल्ले म्हायती प्रमाण, आयपीएल मॅच चालू आसतना सुरू आशिल्ल्याा बेकायदेशीर बेटिंग रॅकेटची म्हायती गुन्यांव फाट्या मेळिल्ली. ते प्रमाण नियोजनबद्ध पद्धतीन छापेमारी केली. छाप्या मजगतीं रोख रक्कम, मोबायल फोन, लॅपटॉप तशेंच बेटिंगा खातीर वापरपी हेर सामान जप्त केलें.
अटक केल्ल्या दुबावितां आड संबंदीत कलमां खाला गुन्यांव नोंद केल्या. ह्या प्रकरणाचो फुडलो तपास सुरू आसा. आयपीएलचे फाटभूंयेर सुरू आशिल्ल्या बेकायदेशीर बेटिंगाचेर अंकुश दवरपा खातीर कारवायो मुखारूय चालूच उरतल्यो अशें गुन्यांव फांट्यान सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
