भांगरभूंय | प्रतिनिधी
पणजीः पेडणें पालिकेन दोन निवृत्त कर्मचार्यांक आनी मरण आयिल्ल्या कर्मचार्याचे बायलेक ६० दिसां भितर २१ म्हयन्यांची थकबाकी वर्साक ८ टक्के व्याजान दिवची अशी शिफारस मानवी हक्क आयोगान केल्या. आयोगान हे विशीं स्वेत्सा दखल घेतिल्ली. आयोगाच्या ह्या आदेशाचेर पेदाणें नगरपालिकेन केल्ले कारवायेचो अहवाल १७ जून २०२६ मेरेन आयोगा कडेन सादर करपाची सुचोवणी पेडणें पालिकेक दिल्या.
आयोगान निरीक्षण नोंद केल्ले प्रमाण, २०२० वर्सा डॉ. हिरा लाल आड बिहार सरकार ह्या खटल्यांत सर्वोच्च न्यायालयान निवृत्त कर्मचार्यांक कायद्या प्रमाण वेळार निवृत्ती वेतन दिवप गरजेचें आशिल्ल्याचो निवाडो दिल्लो. नगरपालिका कर्मचार्यांक निवृत्ती वेतन दिवंक नाशिल्ल्यान तांचे सदचे जिणेचेर परिणाम जालाच, तशेंच अशें करप हें तांचे मानव अधिकार मोडप आसा. ह्या प्रकरणांत मानवाधिकार आयोगान केल्ले चवकशेचो अहवाल संबंदीत खात्यांक धाडटले. ताचेर त्या खात्यांनी एका म्हयन्या भितर जाप दिवची अशें आयोगान म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
