भांगरभूंय | प्रतिनिधी
पणजी: पणजेच्या मुखेल मार्केट वाठारांत फाटल्या वर्सभरा सावन सील केल्ली एक धोको निर्माण करपी इमारत मोडपाची तयारी ’पणजी महानगरपालिकेन’ सुरू केल्या. मात, हे कारवायेक लागून थळावे ल्हान वेपारी आनी स्टॉल धारकां मदीं भंयाचें वातावरण पातळिल्ल्यान ह्या वाठारांत ताण निर्माण जाला. हें आपल्या पोटार आड येतलें ह्या भंयान वेपार्यांनी महानगरपालिकेकडेन स्पश्ट पुनर्वसन आराखड्याची मागणी केल्या.
मुळांत, महानगरपालिकेन ही इमारत धोको निर्माण करपी आशिल्ल्याचें घोशीत करून फाटल्या एका वर्सा सावन ती सील केल्ली. ह्या काळांत इमारतीच्य आशिकुशीक वेवसाय करपी खुबश्या दुकानदारांचे वेवसाय पयलींच बंद जाल्यात. आतां ही इमारत प्रत्यक्षांत उडोवपाची कारवाय करतले. मात, फकत इमारतूच न्हय, ताचे आशिकुशीक आशिल्ले स्टॉल्स आनी गाडेय काडटले, अशी वावडी दुकानदारांच्या कानार पडिल्ल्यान बरोच बोवाळ निर्माण जाला.
इमारतीचे आशिकुशीक वेवसाय करपी खुबश्या दुकानदारांचे वेवसाय पयलींच बंद जाल्यात. आतां ही इमारत प्रत्यक्षांत उडोवपाची कारवाय करतले. मात, फकत इमारतूच न्हय तर ताचे आशिकुशीक आशिल्ले स्टॉल्स आनी गाडेय काडटले, अशी वावडी पातळिल्ल्यान बोवाळ जाला.
त्रासांत पडिल्ल्या वेपार्यांनी आनी विक्रेत्यांनी महानगरपालिकेचेर तिडक उक्तायल्या. आमचे स्टॉल काडचे पयलीं आमकां पर्यायी सुवात वा कसलेच तरेचें आस्वासन प्रशासनान दिवंक ना. कसलेच तयारे बगर वा, येवजणे बगर ही कारवाय जाल्यार, आमच्या पोटाचो प्रस्न गंभीर जातलो, असो दावो विक्रेत्यांनी केला.
प्रभावीत वेपार्यांनी महानगरपालिके कडेन मागणी केल्ली, इमारप उडोवपाचें काम सुरू करचे पयलीं तांचें स्थलांतर करचें वा एक खर पुनर्वसन आराखडो मुखार दवरचो. मात आतां प्रत्यक्ष कामाची सुरवात जाल्या. हे कारवायेक लागून बाजारांतल्या वेवसायीक बोवाळाचेरूय परिणाम जावपाचीं चिन्नां दिसतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
