भांगरभूंय | प्रतिनिधी
एका हॉटेल कर्मचार्यांचो व्हिडियो व्हायरल
पणजी: गोंयच्या एका हॉटेल कर्मचार्याच्या व्हिडिओन सोशल मिडियाचेर घातिल्ल्या व्हिडियोक लागून बरोच बोवाळ निर्माण जाला. मुंबय, बंगळुरू आनी दिल्लीच्या पर्यटकांचे वागणुके विशीं सांगपी हो व्हिडिओ व्हायरल जाला. हाचे वेल्यान नेटिझन्सांतूय दोन गट पडिल्ल्याचें पळोवपाक मेळटा. ह्या व्हिडियोंत एका हॉटेलाच्या कर्मचार्यांनी दिल्लीचे पर्यटक बेशीस्तपणान वागपी, जाल्यार मुंबय आनी बंगळुरूचे पर्यटक सभ्यपणान वागतात अशें सांगून तांची तोखणाय केली. तिणें अशें कित्याक म्हणलें, हाचे विशीं स्पश्टीकरणूय तांणी दिलां.
कितें म्हणलें तें पळयात
हो व्हिडिओ हनुमंत नायक ह्या हॉटेल वेवसायिकान आपल्या इंस्टाग्राम अकावंडाचेर शॅर केला. व्हिडिओचे सुरवातेक नायक हॉटेलांतल्या दोगां बायलां संवाद सादतना दिसतात. सध्या गोंयांत विदेशी बायलांचो आंकडो देंविल्ल्यान भारतीय पर्यटक बरेच वाडल्यात. हेच फाटभूंयेर नायक हे कर्मचार्यांक विचारतात, तुमकां दिल्ली, मुंबय काय बंगळुरू, खंयचे पर्यटक हॉटेलांत आयिल्ले जाय? हाचेर बायल कर्मचार्यान कसलोच विचार करिनासतना दिल्लीच्या पर्यटकांक न्हयकार दिलो.
दिल्लीचे पर्यटक मस्तें आसतात? ह्या प्रस्नाचेर कर्मचार्यान स्पश्टपणान आपले विचार मांडले. तिणें म्हणलें, दिल्लीचे लोक असभ्यपणान उलयतात. तांची उलोवपाची रीत ‘ओय! हांगा यो, उदक हाड, च्या हाड’ अशी हुकुमी पद्धतीची आनी आरे-तुरे करपी असभ्य आसता. तांचे परब मुंबयचे लोक खूब बरे. ते मानान आनी मोगान उलयतात. तशेंच बंगळुरूच्या पर्यटकांचीत तिणें तोंडभर तोखणाय केली. दिल्लीच्या पर्यटकांचो सभव ‘रफ’ आसता, अशा शब्दांत तिणें आपलो अणभव सांगलो. हाका तिचे वांगडा आशिल्ले दुसरे बायल सहकार्यानूय तेंको दिलो.
व्हिडिओ शेअर करतना हनुमंत नायक हांणी स्पश्ट केलें, कोणाचोय द्वेश करपाचो वा कोणाक लक्ष्य करपाचो तांचो हेतू ना. फकत हॉटेलांतलीं सेवा कर्मचारी सदांच जो अणभव घेतात, तेंच दाखोवपाचो हो यत्न. हो व्हिडिओ सगल्याच दिल्लीकारां खातीर न्हय, जे सभ्य आसात तांकां येवकार आसा, अशेंय तांणी कॅप्शनांत नमूद केलें.
ह्या व्हिडिओचेर सोशल मिडिया वापरकर्त्यांच्या विवीध प्रतिक्रिया येतात. खुबशे जाण ह्या कर्मचार्यांच्या मता कडेन सहमत जाल्यात. एका युजरान कमेंट केला, ‘दिल्लीचे लोक खरेंच बेशिश्त आसतात, हांव स्वता दिल्लीचें आशिल्ल्यान म्हाका हें मान्य करचें पडटा.’
जाल्यार दुसर्या एका पर्यटकान आपलो अणभव सांगतना म्हणलें, गोंयच्या एका रेस्टॉरंटांत फकत उलोवपावेल्यान वेटरान तांकां ते मुंबयचे काय? अशें विचारिल्लें. कारण तांचें उलोवप नम्र आशिल्लें. दुसरे कडेन कांय दिल्लीकरांनी हाका ’स्टिरिओटायप’ म्हणीत विरोध केलो. दरेक मनीस वेगळो आसता, सगल्यांक एकेच तरेन पळोवप हें चुकीचें, अशें कांय जाणांचें मत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
