भांगरभूंय | प्रतिनिधी
मंगेशीच्या मांगिरीष युथान आयोजीत केल्ले फोंडें तालुको पांवड्या वयले मिनी मॅराथॉन सर्तींत 12 वर्सां पिराये सकयल्या चलयांच्या गटांत दिपश्री केरकार आनी चल्यांच्या गटांत प्रिसल जल्मी हाणें वस्तादपण जोडलें. दुसरी सुवात इशिका जल्मी, सोहम जल्मी आनी तिसरी सुवात सान्वी परब आनी भक्तेश गावडे हांणी मेळयली.
16 वर्सां पिराये सकयल्या गटांत शेफाली गावडे, सोनू यादव हांणी पयली सुवात मेळयली. तेजस्वरी गावडे, पारस गावडे हांकां दुसरी आनी यतिका गावडे आनी शशांक गावडे हांकां तिसरी सुवात फावो जाली.
सिनीयर गटांत शशांक गावडेन आनी तन्वी गावडे हांणी वस्तादपण जोडलें. दादल्यांच्या गटांत विक्रम पासवानान पयली सुवात मेळयली. तनया पालकार, राज गावडे हांणी दुसरी, अंकिता जल्मी, विजय गोखले हांणी तिसरी सुवात मेळयली.
सर्तींत गावणेच्या महात्मा गांधी विद्यालयाच्या विद्यार्थ्यांनी आपलो शेक दवरलो.
इनामां भेटवण सुवाळ्याक सागर साकोर्डेकार, राजू मंगेशकार हे उपस्थीत आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
