भांगरभूंय | प्रतिनिधी
भांगरभूंय । प्रतिनिधी
केंपेंः अटल ग्राम उदरगत एजन्सी वतीन केंपें हांगा सुरू केल्ल्या चवथीच्या बाजाराचें समाज कल्याण मंत्री सुभाष फळदेसाय हांचे हस्तुकीं उक्तावण केलें. ह्या वेळार केंपें पालिका मंडळाची नगारध्यक्ष सुचिता शिरवयकार, जिल्हो पंचायत वांगडी सिद्धांत गांवस देसाय, सुरेश केपेंकार, संजना वेळीप, सुभाष वेळीप, मिता फळदेसाय, ज्योती वेळीप हाजीर आशिल्ले.
आपूण विकता त्या वस्तूंचो दर्जो बरो आसपाक जाय तशेंच ताचें पॅकिंग आकर्शक आसल्यार गिरायकाची नदर ताचे कडेन वता. गिरायकांचो विस्वास मेळोवप सामकें गरजेचें आसा अशें फळदेसाय हांणी सांगलें. गांवगिऱ्या वाठारांतल्या बायलाचें सबलीकरण करपाची सध्या गरज आसा. साळावळी धरणा कुशीक कुणबी दालनाची स्थापणूक करपाचो आपलो विचार आसा अशी म्हायती तांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
