भांगरभूंय | प्रतिनिधी
नवी दिल्ली, खबरां संस्थाः देशांतल्या सुमार 2.5 कोटी सक्रिय युट्युब चॅनलांतले फकत 30 लाख वेवसायीक आसात, जाल्यार उरिल्ल्या कोटी चॅनलांतले जायते चॅनल कसलेंच नियमन वा ताचे वरवीं जोडी नासतना चुकीचो सल्लो वा कॉपी पेस्ट केल्ली सामग्री पातळायतात.
इन्फ्लुएंसर ट्रस्ट रिपोर्टा प्रमाण, देशांत युट्युबाचे म्हयन्याक सुमार 50 कोटी सक्रीय वापरपी आसात. आतां हें फकत मनरिजवण करपी न्हय, तर दोतोर, मेकॅनिक, जिम ट्रेनर आनी कायदेशीर सल्लागारय जाल्यात.
ह्या चॅनलांचेर दिल्ल्या खंयच्याय सल्ल्याक लागून कोणाक हानी जाल्यार न्यायाचो मार्ग इतलो गुंतागुंतीचो आसता की गुन्यांवकार सहजपणान सुटता. देशांतल्या दर 10 लोकां मदले 7 जाण युट्युब सल्ल्याचेर विस्वास दवरतात. तातूंतले 60% लोक क्रॉस चेकिंग करिनासतना जे दिसता तें खरे मानतात.
डिजिटल कायद्यांनी समृद्ध भारत ह्या पुस्तकाचे लेखक आनी वकील विराग गुप्ता म्हणटा, युट्युब चॅनलानी करदाते म्हूण नोंदणी करची. तेन्नाच तांचेर नियंत्रण दवरप शक्य जातलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
