भांगरभूंय | प्रतिनिधी
पणजीः 69वे राष्ट्रीय शालेय खेळां सर्तीं खातीर गोंय राज्याचो अंडर-17 चले आनी अंडर-17 चलयांचो क्रिकेट पंगड निवडपा खातीर खेळां आनी युवा वेव्हार संचालनालयान सकयले प्रमाण निवड चांचणीचे आयोजन केला. अंडर-17 चल्यांची क्रिकेट सर्त तेलंगणांत 26 एप्रील ते 1 मे 2026 मेरेन आनी अंडर-17 चलयांची क्रिकेट सर्त रोहतक, हरयाणा 29 एप्रील ते 3 मे 2026 मेरेन जातली.
अंडर-17 चल्यांचो क्रिकेट पंगड निवडपा खातीर 13 आनी 15 एप्रीलाक आनी अंडर-17 चलयांचो क्रिकेट पंगड निवडपा खातीर 16 आनी 17 एप्रीलाक कांपाल वयल्या उकत्या मैदानाचेर निवड चांचणी जातली. खेळगड्यांनी सकाळीं 9.30 ते 10.30 वरां मेरेन निवड चांचणीच्या थळार हजर रावपाक जाय.
निवड चांचणीक हजर रावपी खेळगडो शाळा/ज्युनियर कॉलेजीचो नियमित विद्यार्थी आसपाक जाय. आपले शाळेचे वळखपत्र/स्पोर्ट्स कार्ड आनी पासपोर्ट आकाराच्या फोटो सयत निवड चांचणीक हजर रावचे.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
