भांगरभूंय | प्रतिनिधी
दाबोळे: दाबोळे विमानतळावेल्या टर्मिनल-2 च्या स्टोर रूमांत उजो लागलो. वेळार उजो पालयिल्ल्यान व्हड लुकसाण जावपा पसून वाटावले. उजो पालोवपा खातीर टर्मिनल-2 चो एक भाग कांय मिण्टां खातीर बंद केल्लो.
ह्या स्टोर रूमांत विद्युत् उपकरणां आनी वेगवेगळीं उपकरणां दवरिल्ली. उज्यांत ताचें लुकसाण जालां. उजो लागिल्ल्याचे कळटाच उपलब्ध आशिल्ल्या ‘फायर एक्स्टिंग्विशर’च्या मजतीन थोड्याच वेळा भितर उजो नियंत्रणांत हाडलो. सुदैवान हे घडणुकेंत जिवीतहानी जावंक ना.
मजगतीं, उजो पालोवपाचें कामा वेळार टर्मिनल 2 चो एक भाग कांय मिण्टां खातीर बंद आशिल्ल्याचें सूत्रांनी सांगलें. ह्या घडणुकेचें नेमकें कारण अजून स्पश्ट जावंक ना. फुडली चवकशी सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
