भांगरभूंय | प्रतिनिधी
अनमोड: कर्नाटकांतल्यान गोंयचे दिकेन वचपी ट्रकान आयज सकाळीं अनमोडच्या रान विभागाच्या तपासणी नाक्याक धपको दिलो. ह्या अपघातांत दोन वॉचमन वाटवले. तपासणी नाक्याचें व्हडा प्रमाणांत लुकसाण जालें.
हे विशीं मेळिल्ले म्हायती प्रमाण, अनमोड रान विभागाच्या तपासणी नाक्यार तपासणी आनी रानजीव प्रवेश शुल्क वसुली खातीर दोग वॉचमन उबे आशिल्ले. तेन्ना गोंयचे दिकेन वचपी ट्रक तपासणी नाको हुपून मुखार गेलो. मात अचकीत ट्रक मोडिल्ल्यान तो फाटीं येवपाक लागलो आनी तांणी सरळ तपासणी नाक्याक वचून धपको दिलो.
हे घडणुकेन दोन वॉचमन वाटवले. मात ह्या अपघातांत तपासणी नाक्याचें व्हडा प्रमाणांत लुकसाण जालां. हे विशीं फुडलो तपास रानां विभाग करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
