इराणाचें जैत आनी ट्रम्पाची शरणागती

भांगरभूंय | प्रतिनिधी

डोनाल्ड ट्रम्प हांच्या चुकीच्या निर्णयाक लागून ट्रम्प जगाचो क्रूर हत्यारो जाल्ल्याचें सिद्ध जालां. कारण इतले पाप हिटलरान लेगीत केल्ले नासुये.

28 फेब्रुवारी 2026 ह्या दिसा डोनाल्ड ट्रम्पान इराणा आड झुजाक सुरवात करून मानवी क्रुरताय दाखयली आनी 40 दिसा उपरांत व्हड व्हड धमकी दिवपी डोनाल्ड ट्रम्प अमेरिकेचो कट्टर दुस्मान समजुपी चीनाच्या माध्यमांतल्यान इराणाक शरण गेल्ल्याचें दिसून आयलें. झूज बंदी 15 दिसांची आसूं, पूण झूज बंद जालें हाका येवकार. हाका लागून शांती प्रस्थापीत करपा खातीर व्हड मजत जातली. कारण झुजाक लागून कोणाचेंच हीत साद्य जालें ना आनी जावचेंय ना. अमेरिकेक गैरसमज आशिल्लो की, इराणा आड रोखड्या रोखडें जैत मेळटलें. पूण ह्या झुजाक आयज 40 दीस जातात. अमेरिकेचे कोट्यांनी डॉलर स्वाहा जाले. तशेंच मध्य पूर्वेंत जंय जंय अमेरिकेचे लश्करी तळ आसात अशा अस्तंत आशियांत (मध्य पूर्व) अमेरिकेचे खूबशे लश्करी तळ आसात. जातूंत कतार, बहरीन, कुवेत, सावदी अरेबिया, संयुक्त अरब अमिराती (युएई), जॉर्डन, ओमान, इराक, दुबय आनी सीरिया ह्या देशांची मनीस आनी वित्तीय लुकसाण व्हड प्रमाणांत जालें. आयजूय लोक भिरांतीन जगतात आनी आयज हे देश 50 वर्सां फाटीं गेल्यात.
हाचें मुखेल कारण म्हणल्यार डोनाल्ड ट्रम्प हांणी सुरू केल्लें बेकायदेशीर झूज. ह्या मुद्या वेल्यान स्पश्ट जाता की अमेरिका सुवार्थी आनी लालची देश आसा. डोनाल्ड ट्रम्प हांच्या चुकीच्या निर्णयाक लागून ट्रम्प जगाचो क्रूर हत्यारो जाल्ल्याचें सिद्ध जालां. कारण इतले पाप हिटलरान लेगीत केल्ले नासुये ताचे परस हजार पटीन पाप डोनाल्ड ट्रम्पान केले, आनी हाचें प्रायश्चीत जगा मुखार शरणागती स्विकारून भोगचे पडटात. आयज नाटो, युरोपी देश, ब्रिटन, फ्रान्स, अमेरिकन नागरीक, अमेरिकेचे इश्ट देश डोनाल्ड ट्रम्प हांच्या चुकीच्या निर्णयाचो धिक्कार करतात आनी ट्रम्प मनीस कुळयेचो आनी विश्व शांतीचो हत्यारो अशें समजतात. अमेरिकेन सदांच खूबशा देशांक रगताच्या कोंडांत सोडून पळ काडला ही गजाल सगल्यांकूच खबर आसा आनी ताचीच पुनरावृत्ती अस्तंत आशियातल्या देशांची करून दवरल्या. तेच प्रमाण डोनाल्ड ट्रम्प आपली हार लक्षांत घेवन मध्य पुर्वेतल्या देशांक रगताच्या कोंडांत सोडून पळ काडपाच्या मार्गार आसात. इराणाचेर हल्लो करून होर्मुझ आनी खार्ग जुंव्याचेर नियंत्रण मेळोवन तेल कंपनींचेर आपले नियंत्रण दवरूं अशी धारणा डोनाल्ड ट्रम्पाची आशिल्ली. पूण ताची पुराय चाल फसली. सुपर पॉवर समजुपी डोनाल्ड ट्रम्प आयज इराण आनी चीनाच्या पांयांचेर लोटांगण घालीत आसून लाचारी पत्करिल्ल्याचें दिसून येता.
आयज ट्रम्पाची पुराय हेकडी मातयेभरवण जाली. ह्या दोन सप्तकांच्या (15 दिसांच्या) झूज बंदींत इराणान आपल्यो 10 अटी अमेरिके मुखार दवरल्यात जाल्यार अमेरिकेन आपल्यो 15 अटी इराणा मुखार दवरल्यात. झूज बंदी जगा खातीर खोशयेची गजाल म्हणल्यार होर्मुझ दर्या मार्ग रोखडोच उक्तो केलो. कारण होर्मुझ दर्या मार्ग बंद आशिल्ल्यान खूबशा देशांच्यो हजारांनी बोटी दर्यांत वेगळ्या वेगळ्या सुवातांनी आडकून उरल्यात. पूण झूज बंदीक लागून जगातले 20 ते 25 टक्के तेल व्हरपी शेंकड्यांनी बोटी परतून ह्या मार्गान वचूंक लागल्यात.
ह्या पुराय घडणुके वेल्यान स्पश्ट जाता की ट्रम्पान आपली हार स्विकारल्या आनी शराणगती पत्करल्या. होर्मुझ दर्या मार्गान वचपी बोटीं कडल्यान इराणान टोल टॅक्स वसुलीची अट दवरल्या. अमेरिकेन इराणाक इतल्यो जखमो दिल्यात की इराण हें केन्नाच विसरचो ना, आनी ह्यो जखमो जगान आपल्या दोळ्यांनी पळयल्यात. अमेरिका- इझ्रायलान इतल्यो जखमो दिवन लेगीत आनी व्हड व्हड फुडारी आनी टॉप कमांडर हांकां मरण येवन लेगीत इराण ताट मानेन उबो रावन अमेरिका- इझ्रायलाक जशाक तशी जाप दिली, आनी ही जाप जगान आपल्या उक्त्या दोळ्यांनी पळयली आनी हें झूज जिखून दाखयलें. ह्या झुजा वेल्यान स्पश्ट जाता की जाचें झूज ताकाच झुजचें पडटलें कोणूच कोणाक मजत करचो ना. अमेरिका कितलीय बळिश्ट आसूं तरी ताका ल्हानशा इराणा मुखार झुकचें पडलें. देखून ह्या आधुनीक काळांत खंयच्याच देशान तडजोड करची न्हय. डोनाल्ड ट्रम्प हांचे भशेन हेरांकूय त्रास जावंक शकतात हें न्हयकारूंक जायना. ह्या झुजाक लागून पुराय जगाची अर्थवेवस्था कोलमडल्या. तशेंच अस्तंत आशियांतले मध्यपूर्व देश आयज 50 वर्सा फाटीं गेल्यात. कारण हातूंत व्हड प्रमाणांत जिवीत आनी वित्तीय लुकसाण जालां आनी हें लुकसाण आनी जखमो खूबशा काळा मेरेन दरेकांच्या काळजांत घर करून उरतल्यो. ह्या झूज बंदीक लागून लेबनॉन सयत युक्रेनाक लेगीत वांटेकार करून जगांत शांतताय प्रस्थापीत करपा खातीर संयुक्त राष्ट्र सुरक्षा परिशदेन फुडाकार घेवंक जाय. कारण खंयचेंय झूज आसूं तातूंत फक्त विनाशूच दिसून येतलो. डोनाल्ड ट्रम्पाची क्रुरताय आनी लादिल्लें झूज मोडून काडपा खातीर इराणचे नागरीक, तरणाटे, कलाकार, खेळगडे, विद्यार्थी, प्राध्यापक हांणी अणू उर्जा प्रकल्पा भोंवतणी मनशांची सांखळी तयार करून डोनाल्ड ट्रम्पाक शरणागती पत्करपाक भाग पाडलें.
इराणाचेर खूबशीं विदेशी आक्रमणां जालीं, हातूंत मुखेलपणान चंगेज खान आनी तैमूरलंग हांणी इराणाचेर आक्रमण करून व्हड लुकसाण केलें. तरी लेगीत इराणान हार मानली ना. हाचे उपरांत इराण- इराक झूज 8 वर्सां चल्लें हातूंतय इरणाचेंच जैत जालें. हाचे वेल्यान स्पश्ट जाता की इराणाची भुगोलीक परिस्थितीच इराणाचें मुखेल आनी खर सुरक्षा कवच आसा. इराणाचे मानवतेक म्हजो सलाम. जय हिंद.

रमेश कृष्णराव लांजेवार
9921690779