भांगरभूंय | प्रतिनिधी
वैभववाडी: म्हालांतल्या आचिर्णे गावच्या चारूय वटांनी दाट रान पातळ्ळां. कुर्ली धरणाचो व्हांवपी कॅनल आनी रातची ती भिरांकूळ शांतिकाय. ती मंगळाराची रात दर राती सारकीच आशिल्ली. मात घाणेगडवाडीच्या सागर पोटळे आनी कृष्णा कातकर ह्या दोगां इश्टां खातीरी ती काळरात्र थारतली अशी कोणेंच कल्पना लेगीत करूंक नाशिल्ली. रानवटी जनावरांची शिकार करपाक आपल्या घरांतल्यान भायर सरपी ३१ वर्सां पिरायेचो सागर पोटळे आपल्या कुटुंबा कडेन परतोंक ना. अचिर्नेच्या त्या काळखांत नेमकें कितें घडलें हाचो सस्पेन्स वाडला.
हे विशीं चड म्हायती प्रमाण, आचिर्णेच्या नेताजी व्हटकार हांच्या ऊस शेतींत रानजिवांचो वावर वाडिल्लो. ह्या रानजिवांच्या शिकारी खातीर सागर आनी कृष्णा हे दोग इश्ट मंगळारा रातीं सुमार १० च्या वरांचेर कुर्ली कानाला लागसारा डाव धरून बशिल्ले. शिकार सामकार येतले अशी तांकां अपेक्षा आशिल्ली. मजगतीं कानाला कुशीकच्या कच्च्या रस्त्यावेल्यान अचकीत एक दुचाकी आयली. ते दुचाकीचेर दोग जाण आशिल्लेआनी तांच्या हातांत पिस्तोल आशिल्लें. कांय काळांत त्या दोगांयनी पिस्तोलाचो बार काडलो. शांत रानांत पिस्तोलाचो आवाज घुमलो.
पिस्तोलांतल्यान आयिल्ली गुळी कृष्ण कटकाराच्या उजव्या खांद्याक लागली, मात दुसरी गुळी सरळ सागर पोटालेचे छातींत गेली. गुळी लागले बरोबर सागर रगतांत माखलो. काळोखाचो फायदो घेवन दुचाकी वाहन चालक थंयच्यान पळून गेले. रगतान भरिल्लो कृष्ण रडटा आसतना ताणें आपल्या इश्टाक विनायक सुताराक आपयलो. थोड्याच वेळा भितर विनायक, युवराज आनी सुधीर डोंगरे गाडी घेवन घडणुकेचे सुवातेर पावले. जखमी लोकांक वाटावपाक सर्त सुरू जाली. तरेळे मार्गान कणकवलीचे दिकेन गाडी वेगान धांवली. कणकवली उपजिल्लो हॉस्पिटलांत पांवतांच दोतोराक मरण आयिल्ल्याचें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
