भांगरभूंय | प्रतिनिधी
मडगांवः दक्षीण गोंयांतल्या सात तालुक्यांनी 220 केव्ही आनी 110 केव्ही उपकेंद्रांचे नियोजीत देखरेखी खातीर आयतारा, 12 एप्रीलाक वीज पुरवण खंडीत जातली. सकाळीं 7 ते सांजेच्या 4 वरां वर्सुकी वीज शटडावन जातलें.
ह्या काळांत सास्टी, काणकोण, सांगें, केपें, मुरगांव तशेंच धारबांदोडें आनी फोंडें तालुक्यांतल्या कांय वाठारांनी वीज पुरवण पुरायपणान बंद आसतली. देखून नागरिकांनी गरजेची जतनाय घेवची आनी पर्यायी वेवस्था करची असो उलो वीज विभागान केलां.
मजगतीं राय, कुडतरी, लोटली, मकाझान वाठारांत वीज पुरवण सुरळीत चालू उरतली.
नागरिकांनी सहकार्य करपाचो उलो वीज खात्यान केलां. तशेंच देखरेखीचें काम वेळार पुराय जाले उपरांत थारायिल्ल्या वेळा उपरांत वीज पुरवण परतून सुरू करतले अशें वीज खात्यान स्पश्ट केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
