भांगरभूंय | प्रतिनिधी
मडगांव : लग्नाचें उतर दिवन नेण्टे चलयेचेर लैंगीक अत्याचार केल्ल्याची घडणूक मायणा-कुडटरी पुलीस स्टेशनाचे हद्दींत घडली. पिडेस्ताच्या कुटुंबियांनी कागाळ दाखल केले उपरांत पुलिसांनी रोखडोच दुबाविता आड गुन्यांव नोंद केलो.
हे विशीं मेळिल्ले चड म्हायती प्रमाण, दुबावीत यशवंत हरिजन (२६, रुमडामळ- दवर्ली) हांणी पिडेस्त तरणाटे कडेन इश्टागत करून तिचो विस्वास जिखलो. उपरांत दुबावितान पिडेस्ताक लग्नाचें उतर दिवन ऑगस्ट २०२५ ते मार्च २०२६ ह्या काळांत तिका विंगड विंगड सुवातांचेर व्हरून तिचेर सेगीत लैंगीक अत्याचार केले. हे जेन्ना पिडेस्ताच्या कुटुंबीयांक कळ्ळें तेन्ना तांणी दुबाविता आड गुन्यांव नोंद केलो.
उपरांत ह्या प्रकरणाची खरसाण वळखून पुलिसांनी लग्नाचें उतर दिवन फटींगपणां केल्ल्या दुबाविता आड गुन्यांव नोंद केलो. कोलवा पुलीस ह्या प्रकरणाचो फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
