भांगरभूंय | प्रतिनिधी
भांगरभूंय । प्रतिनिधी
पणजीः गोंय विद्यापिठा खाला येवपी राज्यांतल्या अर्द्यापरस चड म्हाविद्यालयांच्या निमण्या वर्साचें निकाल अजून जाहीर करूंनात. 3 ऑगस्टाक निकाल जाहीर करपाचें उतर विद्यापिठान दिल्लें. मात ऑगस्ट म्हयनो सोपपा कडेन पावलो तरी हें निकाल जाहीर जायनात
सुरवेक 3 उपरांत 5 आनी निमाणे 16 ऑगस्टाक ही निकाल जाहीर करपाची तारीख विद्यापीठ प्रशासनान दिल्ली. 17 परस चड म्हाविद्यालयांचे निकाल प्रलंबीत आसात. तातूंत कला, वाणिज्य, कायदो आनी अभियांत्रिकी म्हाविद्यालयांचो आसपाव आसा.
26 ऑगस्ट मेरन निकाल जाहीर केले नात जाल्यार आंदोलन सुरू करपाचो शिटकावणी काँग्रेसच्या नॅशनल स्टुण्डन्ट युनियनाचो गोंय फांट्याचो अध्यक्ष नौशाद चौधरी हांणी दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
