भांगरभूंय | प्रतिनिधी
पणजीः फाटल्या वित्तीय वर्साच्या तुळेंत अंदूं राज्यांतले जीएसटी वसुलींत २.२५ टक्क्यांनी वाड जाल्या. ही म्हायती केंद्रीय अर्थ मंत्रालयांतल्यान मेळ्ळ्या. हे प्रमाण अर्थीक वर्स २०२४- २५ त राज्यांतलें जीएसटी संकलन ६०६७ कोटी रुपया आशिल्लें. २०२५-२६ वर्सा २.२५ टक्क्यांनी वाडून ६२०४ कोटी रुपया जालें. सप्टेंबर २०२५ वर्सा केंद्र सरकारान केल्ल्या जीएसटी कपातीक लागून राज्यांतल्या वट्ट वसुलींत मात्सो उणाव आयला.
मेळिल्ले म्हायती प्रमाण राज्यांत २०२०-२१त ३२७० कोटी रुपया जीएसटी संकलन केल्ले. जाल्यार २०२१-२२त ४३६४ कोटी जीएसटी जमा जाल्लो. २०२२-२३त ५५२० कोटी रुपया, जाल्यार २०२३-२४त ६४७५ कोटी रुपया जीएसटी संकलन जाल्लें. फाटल्या कांय वर्सांनी राज्यांत पर्यटन आनी हेर वेवसाय वाडल्यात. हाका लागून जीएसटी संकलनांतूय वाड जाता.
अर्थीक वर्स २०२५- २६त सगल्यांत चड ८०६ कोटी रुपया जीएसटी संकलन एप्रिल म्हयन्यांत जाल्लें.
डिसेंबरांत २०२५त सगल्यांत उणें म्हळ्यार ३६५ कोटी रुपया जीएसटी संकलन जालें. नोव्हेंबरांत ३९७ कोटी, सप्टेंबरांत ५३५ कोटी, ऑगस्ट आनी ऑक्टोबरांत दरेकी ५४५ कोटी, जुनांत ५५१ कोटी, जुलयांत ५८६ कोटी, जाल्यार मे म्हयन्यांत ५८७ कोटी रुपया जीएसटी संकलन जाल्लें.
महिना/ २०२४- २५/ २०२५- २६
मार्च/ ३७८/३९६
फेब्रुवारी/४०३/४३०
जानेवारी/ ४८२/ ४६१
डिसेंबर/३७८/३६५
नोव्हेंबर/३९४/३९७
ऑक्टोबर/५५९/५४५
सप्टेंबर/५१९/५३५
ऑगस्ट/५३१/५४५
जुलय/५९३/५८६
जून/५४६/५५१
मे/५१९/५८७
एप्रील /७६५/८०६
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
