भांगरभूंय | प्रतिनिधी
नवी दिल्ली : मार्च म्हयनो सोंपपाचो आसा. फकत दोन दिसांनी नव्या अर्थीक वर्साची सुरवात जातली. एप्रील २०२६ वर्सा सुमार १४ दीस बँको बंद उरतल्यो. हाका लागून एप्रील म्हयन्यांत बँकां कडेन संबंदीत कसलेंय म्हत्वाचें काम आसल्यार तें पयलींच पुराय करचें. त्यान पयलीं बँक सुटयांची वळेरी पळयात. एप्रील म्हयन्यांत बँको केन्ना बंद जातल्यो. ह्या म्हयन्याचे आयतार आनी दुसरो-चवथो शेनवार तशेंच सुटयो केन्ना आसतल्यो हे समजून घेयात.
१ एप्रीलाक बँको कित्याक बंद आसतल्यो?
देशभरांतल्या बँको म्हयन्याच्या पयल्या दिसा म्हळ्यार १ एप्रीलाक बंद आसतल्यो. बँकेचे कर्मचारी कार्यालयांत आसतले तरी ते लोकां खातीर कसलेंच काम करचे नात. हो दीस वर्सुकी बँक खातें बंद करपा खातीर राखून दवरला. ह्या दिसा चेक क्लियरिंग वा कावंटराचेर रोख जमा करप शक्य आसचें ना.
एप्रिल २०२६ बँक सुटयांची वळेरी
१ एप्रील (बुधवार): वर्सुकी सुटयेक लागून देशभरच्यो बँको बंद आसतल्यो
२ एप्रील (बिरेस्तार): मौंडी थर्सडे निमतान कोची आनी तिरुवनंतपुरमच्यो बँको बंद.
३ एप्रील (शुक्रार): गुड फ्रायडे निमतान देशभरच्या बँकांक सुटी.
५ एप्रील (आयतार): सगल्या बँकांक सप्तकी आयतारची सुटी.
११ एप्रील (शेनवार): म्हयन्यांतल्या दुसर्या शेनवारची सुटी.
१२ एप्रील (आयतार): आयतारा सगल्यो बँको बंद आसतल्यो.
१४ एप्रील (मंगळार): डॉ. बाबासाहेब आंबेडकार जयंती /महाविषुव संक्रांती/ बिजू/ बुईसू उत्सव/ तमिळ नववर्ष दिन/ बोहाग बिहू/ चिराओबा/ बैसाखी निमतान देशभरांतल्या विवीध राज्यांनी बँको बंद आसल्यो.
१५ एप्रील (बुधवार): बंगाली नव्या वर्सा दिसा (नवें वसर्र्)/बोहाग बिहू/विशू/हिमाचल दिन आगरतळा, गुवाहाटी, इटानगर, कोची, कोलकाता, शिमला आनी तिरुवनंतपुरम हांगच्यो बँको बंद आसतल्यो.
१६ एप्रील (बिरेस्तार): बोहाग बिहू निमतान गुवाहाटी बँको बंद.
१९ एप्रील (शेनवार): देशभरांतल्यो सगल्यो बँको बंद उरतल्यो.
२० एप्रील (सोमार): बसव जयंती/अक्षय तृतीये खातीर बर्याच राज्यांनी बँको बंद आसतल्यो.
२१ एप्रील (मंगळार): गरिया पुजे निमतान आगरतळा बँको बंद.
२५ एप्रील (शेनवार): म्हयन्याचो चोवथो शेनवार आशिल्ल्यान बँको बंद आसतल्यो.
२६ एप्रील (आयतार): देशभरच्या सगल्या बँकांक आयतारची सप्तकी सुटी.
बँको बंद आसल्यो मात डिजिटल काम चालूच
सुटयेच्या दिसांनी बँकांच्यो शाखो बंद आसतल्यो, मात डिजिटल बँकिंग चालूच उरतलें. तुमी युपीआय आनी मोबायल बँकिंगांतल्यान पयशे धाडूंक आनी मेळोवपाकूय शकतात. इंटरनॅट बँकिंग वापरून एटीएमांतल्यान रोख पयशे काडूंक शकतात, तशेंच एफडी उगडपाक शकतात आनी बिलां फारीक करूंक शकतात.
ह्या दिसा देशभरांत बँको बंद
११ एप्रील हो म्हयन्याचो दुसरो शेनवार आनी २५ एप्रील हो म्हयन्याचो चवथो शेनवार, देखून देशभरांतल्यो बँको बंद आसल्यो. ५, १२, १९ आनी २६ एप्रीलाक आयतारची सुटी आसतली, जाका लागून देशभरांतल्यो बँको बंद आसतल्यो.
५,१२,१९ आनी २६ एप्रिलाक आयतारची सुटी आसतली, हाका लागून देशभरच्या बँकांक सुटी आसतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
