भांगरभूंय | प्रतिनिधी
मडगांव : बोर्डा-फातोड्डेंच्या एका दुकानांत गेल्ले नेण्टे चलयेचो विनयभंग केल्ल्या प्रकरणांत फातोड्डें पुलिसांनी दुबावीत तिबुर्शिओ मोंतेरो हाका अटक केली. दुबावितान चलये मुखार अश्लील चाळे केल्ल्याचो आरोप कागाळींत केला.
हे विशीं मेळिल्ले म्हायती प्रमाण, फातोड्ड्यां पुलिसांनी शुक्रारा तिबुर्शिओ मोंतेरो (६२, रा. तिवरें-वरगांव, फोंडें) हाका ताब्यांत घेतले. ही घडणूक २६ मार्चाक बोर्डाच्या एका दुकानांत घडिल्ली. पिडेस्त चली बील भरताली तेन्ना दुबावितान तिचे मुखार अश्लील वागलो.
ह्या प्रकरणांत फातोड्ड्यां पुलिसांनी दुबाविता आड भारतीय न्याय संहिता, पोक्सो कायदो आनी गोंय बाल संरक्षण कायद्या खाला गुन्यांव नोंद केला. फातोड्डा पुलीस सध्या ह्या प्रकरणाचो अदीक तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
