भांगरभूंय | प्रतिनिधी
नवी दिल्ली: कच्च्या तेलाच्या संकश्टांत केंद्र सरकारान तेल कंपन्यांक आनी सामान्य जनतेक थाकाय दिवन पेत्रोल आनी डिझेलाचेर उत्पादन शुल्कांत (एक्सायज ड्यूटी) कपात केल्या. रॉयटर्सच्या अहवाला प्रमाण, पेत्रोलावेलें उत्पादन शुल्क १३ रुपया लिटर अशें आशिल्लें, जें आतां १० रुपयांनी उणें करून ३ रुपया केलां.
जाल्यार, डिझेलाचेर हें शुल्क १० रुपयांनी लिटर आशिल्लें, जें आतां पुरायेन रद्द करून शुन्य केलां. सरकाराच्या ह्या पावलाक लागून तेल कंपन्यांच्या फायद्यांत सुदारणा जावपाची शक्यताय आसा. पेत्रोल आनी डिझेलच्यो किमती वाडपा पसून आडावपा खातीर सरकारान हें पावल उबारलां.
उत्पादन शुल्क (एक्सायज ड्युटी) म्हळ्यार कितें?
हो एके तरेचो अप्रत्यक्ष कर, जो वस्तुंचें उत्पादन वा निर्मितीचेर लायतात. हो कर केंद्र सरकारा कडल्यान वसूल करतात. हाका लागून वस्तुंची किंमत वाडटा. भारतांत पेत्रोल-डिझेलाचेर केंद्र सरकार उत्पादन शुल्क (एक्साइज ड्यूटी) आनी राज्य सरकार व्हॅट (vat) लायतात. मात आतां सरकारान उत्पादन शुल्कांत कपात केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
