भांगरभूंय | प्रतिनिधी
तेहरान: अमेरिका-इझ्रायल आनी इराण झुजाचो आयज २७ वो दीस. इराणान भारत, चीन, रशिया, इराक आनी पाकिस्तानाक होर्मुज दर्यांतल्यान वचपाची परवानगी दिल्या.
वृत्तसंस्था एएनआयन मुंबयच्या इराणी दूतावासाच्या हवाल्यान ही म्हायती दिली. दुतावासान सांगलें, इराणचे परराष्ट्र मंत्री अब्बास अराघची हांणी म्हणलां ’इश्ट राष्ट्रांक’ होर्मुजच्यान वचपाची सूट आसा.
इराणान ह्यान पयलींय सांगलां, होर्मुज दर्या पुरायेन बंद ना. हो मार्ग फकत इराणा आड आशिल्ल्या देशां खातीर आसा. हेर देशांना कांय अटीं सयत वचपाची परवानगी दितात.
ह्यान पयलीं इराणान बुधवारा रातीं दावो केलो, तांणी अमेरिकेचे F/AA18 फायटर जेट उडयलें, जें हिंदी महासागरात कोसळ्ळें. इराणच्या इस्लामीक रिव्होल्यूशनरी गार्ड कॉर्प्स प्रमाण, ही कारवाय देशाच्या दक्षिणेकडल्या दर्यादेग भागां कडेन केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
