भांगरभूंय | प्रतिनिधी
पणजी : काणकोण नागरी पुरवण खात्यान आगोंद दर्यादेगेवेल्या एका शॅकार धाड घालून दोन घरगुती गॅस सिलिंडर जप्त केले.
वेवसायीक कामा खातीर घरगुती गॅसचो बेकायदेशीरपणान वापर केल्ल्यान ही कारवाय केली. नागरी पुरवण खात्याच्या काणकोण विभागाचे सहाय्यक संचालक उल्हास वेळीप, मामलेदार गजेश शिरोडकार हांच्या मार्गदर्शनाखाला ही कारवाय केली.
मजगतीं, अमेरिका, इस्त्रायल, इराण झुजाक लागून वेवसायीक गॅस सिलिंडरचो उणाव आशिल्ल्यान हॉटेल, रेस्टॉरंट आनी तत्सम वेवसाय चलोवपी वेवसायिकांकहाचो फटको बसला. वेवसायीक गॅस सिलिंडर मेळनाशिल्ल्यान वेवसायीक कांय सुवातांचेर घरगुती सिल्डिंराचो वापर केल्ल्याचें दिसता. हाचेर नागरी पुरवण खात्यान लक्ष दवरलां.
वेवसाया खातीर घरगुती गॅस सिलिंडर वापरप्यांचेर कारवाय करतात. पर्वरेच्या एका रेस्टॉरंटार कारवाय करून घरगुती सिलिंडर नागरी पुरवण खात्यान जप्त केल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
