भांगरभूंय | प्रतिनिधी
पेत्रोल, एलपीजी सिलींडराचो उणाव ना : मुख्यमंत्री
पणजी : रवी नायक हांच्या मरणा उपरांत खाली जाल्ली मंत्रिमंडळांतली एक सुवात फोंंडें पोटवेंंचणुके उपरांंत भरतले, अशें मुख्यमंंत्री डॉ. प्रमोद सावंंत हांंणी सांंगलां. हाका लागून फोंडें पोटवेंचणुके उपरांत एका आमदाराक मंंत्रिपद मेळटलें.
मंंत्रिमंंडळ बसके उपरांत पत्रकार परिशदेंत उलयतना मुख्यमंंत्र्यांंनी ही म्हायती दिली. फोंडें पोटवेंचणुके खातीर ९ एप्रीलाक मतदान जातलें. फोंडें पोटवेंचणुकेंत भाजपाचे जैत निश्चीत आसा, असो विस्वास मुख्यमंंत्री डॉ. प्रमोद सावंत हांंणी उक्तायलो.
राज्यांत पॅत्रोल तशेंच एलपीजी सीलींंडराचो उणाव ना. आठ दिस पुरो जावपा इतलो पॅत्रोलाचो सांठो राज्यांत आसा. हाचे उपरांत लेगीत पॅत्रोल उपलब्ध जातलेंं. लोकांंनी पॅत्रोल भरपा खातीर पॅत्रोलपंंपाचेर रांंगो लावच्यो न्हय, अशेंं आवाहन मुख्यमंंत्री डॉ. प्रमोद सावंंत हांंणी केलां.
घरगुती एलपीजी सीलींडर बुकींंग जाले उपरांत २५ दिसांंनी मेळटलो. वेवसायीक सिलींंडराचो सध्या जो २० टक्के कोटा आसा तो फाल्यां (बिरेस्तार) सावन ४० टक्के जातलो, अशी म्हायती मुख्यमंंत्र्यांंनी दिली.
म्हजें घर येवजणेक वर्साची मुजत वाड
सांखळेतले जमीन रूपांतर जातलें रद्द
सांखळे नगरनियोजन कायद्याच्या कलम ३९ ए खाला ८०९२६ चौकण मिटर जमनीचे रूपांंतरण करपाचो प्रस्ताव रद्द जातलो. हे विशीं नगरनियोजन मंंत्र्यांंकडेन हांंवें चर्चा केल्या, अशेंं मुख्यमंत्री डॉ. सावंत हांंणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
