भांगरभूंय | प्रतिनिधी
पणजी : म्हापश्यां धुळेरान स्पिडब्रेकराचेर दुचाकी उसळून जाल्ल्या स्वयंअपघातांत प्रज्वल करमलकार (२६ केरळ, घशीरश्रर) ह्या तरणाट्याक मरण आयलें. सांखळेच्या गोवा इन्स्टिट्यूट ऑफ मॅनेजमेंटांत हो तरणाटो शिकतालो.
हो अपघात जाले उपरांत थळाव्यांनी हे विशीं पुलिसांक म्हायत दिली. हॉस्पिटलांत व्हेले उपरांत तरणाट्याक मरण आयिल्ल्याचें सांगलें. हे विशीं पुलीस अदीक तपास करतात.
मजगतीं, वाडपी अपघात आनी तातूंत येवपी मरणांचे आंकडे वाडिल्ल्यान वाहन चालकांनी नेम पाळून वाहनां चलोवचीं. आपलें कुटूंब आपली वाट पळयता हें लक्षांत दवरचें, असो उलो येरादारी पुलिसांनी मारलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
