भांगरभूंय | प्रतिनिधी
नवी दिल्ली: भारताच्या धोरणात्मक तेल साठ्याची (स्ट्रेटेजिक पेट्रोलियम रिझर्व्ह) तांक ५.३३ दशलक्ष टन आसा. सध्या भारता कडेन ३.३७ दशलक्ष टन तेल सांठो आसा. हो तेल सांठो वट्ट तांकीच्या दोन तृतियांश (६४ टक्के) आसा, अशी म्हायती पेट्रोलियम आनी सैमीक वायू राज्यमंत्री सुरेश गोपी हांणी सोमारा राज्यसभेंत दिली. भारताकडेन खनिज तेलाचो सांठो कितलो आसा, हे विशीं तांणी म्हायती दिली. भारता कडेन तेलाचो कितलो सांठो उपलब्ध आसा? तो कितले दीस पावतलो हें जाणून घेवया.
स्ट्रेटेजिक पेट्रोलियम रिझर्व्ह (धोरणात्मक तेल सांठो)ची कितें गरज?
भारतांत पयलेच फावटीं १९७३ त तेलाचें संकश्ट आयिल्लें. तेन्ना भारताकडे धोरणात्मक तेल सांठो आसचो अशी गरज पयलेच फावट जाणवली.
मजगतीं, १९९१ वर्सा आखातांतलें युद्ध, २००५ त कॅटरिना चक्रीवादळ आनी २०२२त सुरू जाल्लें रशिया-युक्रेन झूज हाका लागून तेलाची किंमत वाडली. हे परिस्थितींत पश्चीमात्य देशांच्या धोरणात्मक तेल सांठ्यांनी म्हत्वाची भुमिका केली. आंतरराष्ट्रीय ऊर्जा संस्थेचे वांगडी आशिल्ल्या देशांनी पश्चीम आशियांतल्या झुजाचे फाटभूंयेर तेलाच्यो किंमती वाडिल्ल्यान धोरणात्मक तेल सांठ्यांतल्यान ४०० दशलक्ष टन तेल बाजारांत हाडपा खातीर पावल उबारलां. अमेरिका, चीन आनी जपान ह्या देशांच्या धोरणात्मक तेल सांठ्यांत व्हडा प्रमाणांत खनीज तेल सांठोवन दवरलां.
भारताची तेल सांठोवन दवरपाची तांक कितली?
भारतांत धोरणात्मक तेल सांठ्याची जापसालदारकी इंडियन स्ट्रेटेजिक पेट्रोलियम रिझर्व्ह लिमिटेड हे कंपनी कडेन आसा. ही कंपनी ऑयल इंडस्ट्री डेव्हलपमेंट बोर्डच्या खाला काम करता. इंडियन स्ट्रेटेजिक पेट्रोलियम रिझर्व्ह लिमिटेड कडेन सध्या भूगर्भात आशिल्ल्या तीन धोरणात्मक ते सांठ्याची जापसालदारी आसा. तातूंत विशाखापटणम (१.३३ दशलक्ष टन), मंगळुरू (१.५ दशलक्ष टन) आनी पाडूर (२.५ दशलक्ष टन) ह्या तेल सांठ्याचो आसपाव आसा. भारताच्या धोरणात्मक तेल सांठ्याची (स्ट्रेटेजीक पेट्रोलियम रिझर्व्ह) वट्ट तांक ५.३३ दशलक्ष टन आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
