भांगरभूंय | प्रतिनिधी
भांगरभूंय । प्रतिनिधी
माशेलः बेती- खांडोळे पंचायतीचो सरपंच आनी उपसरपंचाची बिनविरोध निवड जाली. सरपंचपदा खातीर विशांत लक्ष्मण नायक आनी उपसरपंचपदा खातीर संजीवनी खुशाली नायक हाचेंच अर्ज आयिल्ल्यान ही निवड बिनविरोध जाली.
सत्तेर आयिल्लें पंचायत प्रियोळचे आमदार आनी मंडळ कला आनी संस्कृती मंत्री गोविंद गावडे हांचे समर्थक आसात. तांणी सरपंच आनी उपसरपंचाची बिनविरोध निवड जावपा खातीर यत्न केले. निर्वाचन अधिकारी म्हणून संध्या फडते हिणे काम पळयलें.
गोविंद गावडे आनी बेतकी- खांडोळेंचो जिल्हो पंचायत वांगडी श्रमेश भोसले हांणी नवनिर्वाचीत सरपंच आनी उपसरपंचाची भेट घेवन तांकां परबीं भेटयलीं. एकचारान पंचायत वाठाराचे उदरगती खातीर काम करपाचो सल्लो गावडे हांणी नव्या पंचायत मंडळाक दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
