भांगरभूंय | प्रतिनिधी
पणजी : राज्यांत दर वर्सा सुमार ५ हजारां वयर भुरगीं खासगी मुळाव्या शाळांनी प्रवेश घेतात. सरकारी तशेंच अनुदानीत शाळांचे तुळेंत हो आंकडो उणो आसलो तरी तो सामकोच नगण्य ना. विधानसभा प्रस्नोत्तराच्या जापेंतल्यान ही म्हायती मेळ्ळी. खासगी मुळाव्या शाळेत प्रवेस घेवपी भुरग्यांचे प्रमाण २० टक्के आसा, अशें आकडेवारींतल्यान कळटा.
फांटल्या ४ वर्सांचो विचार केल्यार हो आंकडो लागी लागी सारकोच आसा. सरत्या शीक्षणीक वर्सा म्हळ्यार २०२५ – २६ वर्सा ५१८८ भुरग्यांनी खासगी मुळाव्या शाळांनी म्हळ्यार पयलेक प्रवेश घेतिल्लो. ह्यान पयलीं २०२४ – २५ वर्सा ५३३४ भुरग्यांनी पयलेक प्रवेश घेतिल्लो. २०२४ – २५ परस फाटले वर्सा २०२५ – २६मदीं प्रवेस घेवपी भुरग्यांचो आंकडो मातसो उणो आसा. २०२३ – २४ वर्सा ५४१९, २०२२ – २३ वर्सा ५३३४ जाल्यार २०२१- २२ वर्सा ५२१८ भुरग्यांनी खासगी मुळाव्या शाळेंत प्रवेश घेतिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
