भांगरभूंय | प्रतिनिधी
पाकिस्तान आतंवादान प्रभावीत जाल्ल्या देशां मदीं सगल्यांत मुखार
नवी दिल्ली: भारतांत फाटल्या एका वर्सा सावन आतंकवादी घडणुकां मदीं ४३ टक्के उणाव आयला. ग्लोबल टेररिझम इंडेक्स २०२६चे व़ळेरेंत भारत १३वे सुवातेर आयला. फाटल्या वर्साचे तुळेंत भारत दोन स्थानांनी सकयल आयला. फाटल्या वर्साचे तुळेंत भारत दोन सुवातांनी सकयल देंवला. ह्यान पयलीं भारत ११वे सुवातेर आशिल्लो.
तशेंच वळेरे प्रमाण दक्षीण आशिया सेगीत धाव्या वर्सा आतंकवादान प्रभावीत जाल्लो वाठार थारला. पयलेच फावटीं पाकिस्तान हे वळेरेंत पयले सुवातेर आसा आनी आतंकवादा खातीर सगल्यात चड प्रभावीत देश जाला. अफगाणिस्तानाचे परिस्थितींत सुधारणा जाल्या आनी तो आतां मुखारच्या धा देशांचे वळेरेंतल्यान भायर सरला.
संवसारभरांत २०२५ वर्सा आतंकवादाक लागून जावपी मरणां मदीं २८% उणाव आयला. आतंकवादी हल्ल्यांचो आंकडो सुमारे २२% नी उणो जावन २,९४४ जाला. वट्ट अंदूं वर्सा ८१ देशां मदीं परिस्थिती सुदारल्या. जाल्यार १९ देशांनी परिस्थिती इबाडल्या.
अस्तंते कडल्या देशांनी मरण येवपाचो आंकडो २८०% वाडला
अस्तंती देशांनी आतंकवादाक लागून मरण येवपाचो आंकडो सुमार २८०% वाडला. हाचे वांगडाच युरोपीय संघटणेच्या अहवाला प्रमाण २०२४ वर्सा युरोपीय संघाच्या १४ देशांनी वट्ट ५८ आतंकवादी हल्ले नोंद जाल्यात.
हातूंत फ्रांस (१४ हल्ले) आनी जर्मनी (६ हल्ले) हे मुखेल आशिल्ले. ते भायर युरोपीय संघाच्या २० देशांनी आतंकवाद संबंदीत प्रकरणांत ४४९ जाणांक अटक केल्या. ब्रिटनांत ३००० परस चड लोकांक अटक केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
