भांगरभूंय | प्रतिनिधी
ऑफिसाचें काम, मोबायल, मिटिंग, ओटीटी हाका लागून आयज खुबश्या लोकांची कातदिसभर स्क्रिनी सामकार आसता. हाका लागून कात नस्तेज, सुकी, संवेदनशील आनी वेळा पयलींच सुरकुत्यो आयिल्ले वरीं दिसता. हाका ’डिजिटल एजिंग’ अशेंय म्हणटात. अशे परिस्थितींत कातीची जतनाय घेवपा खातीर कांय टिप्स.
फेस मिस्ट वापरात
एसी ऑफिसांत आनी स्क्रिनी सामकार बशिल्ल्यान कात डिहायड्रेट जाता. सेगीत तोंड धुंवपाची गरज ना. हातूंत फेस मिस्ट वा हलको स्प्रे रोखडीच थाकाय दिता. हाका लागून दिसांतल्यान २-३ फावटीं हायड्रेटिंग मिस्ट स्प्रे करात.
मॉयश्चरायझर लायात
सेगीत कांत सुकी पडिल्ल्यान आनी तापमानांतल्या बदलाक लागून कांतीचें संरक्षक थर दुबळें जाता. हाका लागून जळप, लालसरपणाकांत तांबडी पडप आनी ताची संवेदनशीलताय वाडटा. हाका लागून बरो मॉयश्चरायझर लायात.
घरानूय सनस्क्रीन गरजेची
खुबश्या जाणांक घरांत सनस्क्रीनची गरज ना, अशें दिसता. मात स्क्रीन आनी भायल्यान येवपी उजेडूय कातीर परिणाम करपाक शकता. हाका लागून सकाळीं एसपीएफ ३०-५० लायात आनी जर स्क्रीन टायम चड आसल्यार ती परत लायात.
अँटीऑक्सिडंट्स गरजेचें
स्क्रीनींतल्यान येवप ब्लु लायट आनी शारी प्रदुशण फ्री-रॅडिकल डॅमेज वाडयतात, हाका लागून कात निर्जीव आनी थकिल्ली दिसता. ल्हवल्हव हें डिजिटल एजिंगचें कारण जावन पडटा. हाका लागून सकाळीं अँटीऑक्सिडंट सीरम लायात.
दोळ्यांक आय क्रीम लायात
स्क्रिनीक लागून थकिल्ल्याचो परिणाम सगल्यांत पयलीं दोळ्यां सकयल दिसता. हाका लागून डार्क सर्कल्स वाडटात. हाका लागून आय क्रीम वा कुलींग जेल लायात. आय पॅचूय दोळ्यांक बरो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
