भांगरभूंय | प्रतिनिधी
दाबोळी : दाबोळेच्या प्रभू व्हायोलेटा निवासी संकुलांत घाणयारें उदक पिवपाच्या उदकांत पाविल्ल्यान निर्माण जाल्ले परिस्थितीची दखल घेवन उदकास्रोत विभागान संकुलांतली बोअरवेल सील केली. ह्या वाठारांत अतिसाराच्या दुयेतींचो आंकडो १५६ वयर पावला. दोन विषमज्वराचेय दुयेंती सांपडले. संकुलांत तपासणी करपा खातीर कुठ्ठाळी मुळाव्या भलायकी केंद्रा वतीन तात्पुरतें भलायकी तपासणी विभाग सुरू केलां.
ह्या वाठारांतले बागेंत घाणयारें उदक व्हांविल्ल्यान हांगच्या लोकांनी कागाळ केली. उपरांत पुलीस तशेंच प्रशासनांतले हेर अधिकारी घडणुके सुवातेर दाखल जाले. घाणयारें उदक उक्तडार व्हांविल्ल्यान तांणी कारवाय सुरू केली आनी जलस्त्रोत खात्यान बोअरवेल सील केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
