भांगरभूंय | प्रतिनिधी
वाळपय: गोवा वेस्ट मॅनेजमेंट कॉर्पोरेशन हांचे वतीन आयोजीत ‘इंटिग्रेटेड ड्राय वेस्ट मॅनेजमेंट प्रोग्रॅम’ कार्यशाळेंत मौशी ग्रामपंचायतीक ‘स्मार्ट वेस्ट चॅम्पियन’ हो प्रतिश्ठेचो पुरस्कार भेटयलो. कोय वेवस्थापनांत उत्कृश्ठ कामगिरी आनी नितळसाणे विशीं राबयिल्ल्या प्रभावी उपक्रमांची दखल घेवन हो भोवमान दिलो.
हो पुरस्कार सांखळेच्या नगरपालिका सभाघरांत आयोजीत केल्लो. हे कायारवळीक सांखळे नगरपालिकेच्या नगराध्यक्ष सिद्धी प्रभू डॉ. गीता नागवेंकार (वांगडी सचिव, गोवा राज्य प्रदूषण नियंत्रण मंडळ), हरीश अडकोंणकार (वेवस्थापकी संचालक, GWMC), अहोना घोष (जीएम, सस्टेनेबिलिटी गुड अँड ग्रीन, GCPL) आनी डॉ. सचिन तेंडुलकार (CEO, मिनरल फावंडेशन ऑफ गोवा) हे मानेस्त हाजीर आशिल्ले.
म्हाऊस ग्रामपंचायती वतीन सरपंच प्रीती गांवकार, उपसरपंच सायाजी सावंत, वांगडी सोमनाथ काळे तशेंच ग्रामपंचायत सचीव सर्वेश गावंकार हांणी हो पुरस्कार स्विकारलो. ह्या वेळार ग्रामपंचायतीचे नितळसाण इश्ट कृष्णा गांवकार, सुनीता गांवकार आनी वैष्णवी गांवकार हांचोय विशेश भोवमान केलो.
ग्रामपंचायतीन कोयराचें वर्गीकरण, नितळसाण मोहीम, जनजागृती उपक्रम आनी पर्यावरणपूरक पद्धतींचो अवलंब करून आदर्श काम केलां. थळाव्या नागरिकांचो सक्रिय वांटोआनी ग्रामपंचायतीच्या सेगीत यत्नांक लागून हें येस फावो जालें.
सरपंच प्रीती गावंकार हांणी, हो पुरस्कार पुराय गोंयकारांच्या एकठांय येवन केल्ल्यान यत्नांचो सन्मान आसा. नितळसाण आनी कोयर वेवस्थापन ही फकत प्रशासनाची जापसालदारकी नाशिल्ल्यान दरेका नागरिकान हातूंत वाटेकार जावपाक जाय. फुडाराकूयआमी पयारवरण पुरक कार्यावळी नेटान राबयतलेे, अशें सांगलें. हे कार्यावळीक ‘स्मार्ट वेस्ट चॅम्पियन’ तशेंच ‘प्लास्टिक टू पर्पज’ पुरस्कारां वरवीं विवीध ग्रामपंचायती आनी संस्थांचो भोवमान केलो.
पर्यें आनी ठाणे ग्रामपंचायतींक मेळिल्लो हो पुरस्कार सत्तरी म्हालांतल्या नितळसाण आनी पर्यावरणाचो सांबाळ ह्या क्षेत्रांतल्या सकारात्मक कार्याची नोंद थारल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
