भांगरभूंय | प्रतिनिधी
फोंडें: फोंडें मतदारसंघाचे पोटवेंचणुके पयलींच नाटकी घडामोडींक वेग आयलो. आमदार विजय सरदेसाय हांचेर विरोधी पक्ष फुडारी युरी आलेमाव हांणी केल्ल्या आरोपा विशीं कॉंग्रेस फुडार्यांनी स्पश्टीकरण दिवचें, अशी मागणी गोवा फॉरवर्डचे उपाध्यक्ष दुर्गादास कामत हांणी केली.
दुर्गादास कामत हांणी शेनवारा सकाळीं कॉंग्रेस उमेदवार केतन भाटीकर आनी राजेश वेरेंकर हांची भेट घेवन चर्चा केली. गोवा फॉरवर्ड आनी कॉंग्रेस हांची युती आशिल्ल्यान फोंडें पोटवेंचणुकेंतूय युती कायम दवरपा खातीर यत्न चालूच आसात.मात काञय दिसां आदीं विरोधी पक्ष फुडारी युरी आलेमाव हांणी आमदार सरदेसाय हांचेर आरोप केल्ले. त्या आरोपा विशीं कॉंग्रेस फुडार्यांनी स्पश्टीकरण दिवपाची मागणी कामत हांणी शेनवारा जाल्ले बसकेंत केल्या. हे विशीं वेरेंकार हांणी मध्यस्थी करपाचो निर्णय घेतला. सोमारा पणजे दोनूय पक्षांच्या फुडार्यांची म्हत्वाची बसका जातली.
दुर्गादास कामत हांणी युरी आलेमाव हांणी कांय दिसां आदीं आमदार सरदेसाय हांचेर आरोप केल्ले. फोंडें पोटवेंचणूक जावपाची आशिल्ल्यान गोवा फॉरवर्ड युतीचो धर्म पाळटले. मात कॉंग्रेसीच्या फुडार्यांनी सरदेसाय हांचेर केल्ल्या आरोपा विशीं स्पश्टीकरण दिवपाची गरज आशिल्ल्याचें सांगलें.
कॉंग्रेसीचे वेरेंकार आनी कामत हांणी चर्चा केल्या. हे विशीं वरीश्ठ फुडार्यां कडेन बेगीनूच चर्चा करतले. हे विशीं तोडगो काडपा खातीर येवपी सोमारा पणजे म्हत्वाची बसका आपयल्या. तिका कॉंग्रेस आनी गोवा फॉरवर्डचे पदाधिकारी हाजीर रावतले अशें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
