भाशांतर पुरस्कारा खातीर डॉ. पर्येंकार हांच्या पुस्तकाक नामांकन

भांगरभूंय | प्रतिनिधी

नवी दिल्ली: Muse India न २०२५ वर्साच्या भाशांतर पुरस्कारा खातीर धा पुस्तकां शॉर्टलिस्ट केल्यांत. हातूंत कादंबरी, कथासंग्रह, आपजीण आनी कविताझेले अश्या विवीध तरेच्या साहित्यकृतींचो आसपाव आसा.
ह्या पुरस्कारा खातीर वट्ट १८ भारतीय भाशेंतल्यान १०४ प्रवेशिका मेळ्ळ्यो. जातूंत ११ साहित्यप्रकार आनी २२ प्रकाशकांचो आसपाव आशिल्लो. आयोजकांच्या म्हणण्या प्रमाण, अंदूच्या शॉर्टलिस्टांत उणे नामनेचे लेखक आनी अनुवादकांक प्राधान्य दिलें. तशेंच, अजूनय व्यापक वळख मेळूंक नाशिल्ल्या लेखकांच्या साहित्यकृतींक उजवाडाक हाडप हो ह्या पुरस्काराचो एक हेतू.
ह्या पुस्तकांचें मुल्यमापन ११ जाणांनी केलां. नामांकन मेळिल्लीं पुस्तकां मुखार दिल्ले प्रमाण-

• The Bitter-Fruit Tree डॉ. प्रकाश पर्येंकार. कोंकणी वेल्या विद्या पै हांणी केल्लें भाशांतर.
• A Game of Fire नानक सिंग. पंजाबी वेल्यान नवदीप सुरी हांणी केलें भाशांतर.
• A Pulp Fiction Textbook व्ही एम देवदास. लेखकानूच मल्याळमातल्यान केलें भाशांतर.
• Beggar’s Bedlam नबारन भट्टाचार्य. बंगाली वेल्यान रिजुला दास हांणी केलें भाशांतर.
• Kurinji Malar ना पार्थसारथी ; तामिळवेल्यान मालिनी शेषाद्री हांणी केलें भाशांतर.
• Lavanya Devi कुसूम खेमानी. हिंदी वेल्यान बनीब्रत महंत हांचें भाशांतर.
• That’s A Fire-Ant Right There! मुहंमद खदीर बाबू. तेलगू वेल्यान डी व्ही शेषाद्री हांणी केल्लें भाशांतर.
• The Last Bench अधिर बिस्वास. बंगाली वेल्यान व्ही रामस्वामी हांणी केल्लें भाशांतर.
• The World is Made-up Every Day आलोक धनवा. हिंदी वेल्यान सौदामिनी देव हांणी केल्लें भाशांतर.
• This Too is a Story मनू भांडारी. पुनम सक्सेना हांणी हिंदी वेल्यान केल्लें भाशांतर.