भांगरभूंय | प्रतिनिधी
पणजीः फोंडें मतदारसंघांत फाटलीं कांय वर्सां भाजपा पक्षाचें काम मुखार व्हरता. देखून पोटवेंचणुकेंत उमेदवारी मेळटली अशी आस्त आशिल्ली. पूण पक्षाच्या फुडाऱ्यांनी रितेश रवी नायक हांच्या नांवाची घोशणा केल्ल्यान कार्यकर्ते बेजार जाल्यात. देखून बितेस्तारा सांजवेळार कार्यकर्ते घरा मुखार जमले. हे संबंदीं मुख्यमंत्री डॉ. प्रमोद सावंत राज्यांत परत येतकच तांचे कडेन चर्चा करुन उपाय येवपाची शक्यताय आसा अशें नगरसेवक विश्वनाथ दळवी हांणी सांगलें.
बिरेस्तारा सांजवेळार नाराज जाल्ल्या कार्यकर्त्यांनी विश्वनाथ दळवी हांच्या घरा मुखार एकठांय येवन तांकां उमेदवारी दिवची अशी मागणी केली. हे विशीं चड म्हायती दितना विश्वनाथ दळवी हांणी सांगलें रितेश नायक हांकां उमेदवारी जाहीर जाले उपरांत आपणाक धक्को बसलो. तशेंच कार्यकर्त्यांकूय तेय आवडूं ना अशें सांगलें.
नाराज कार्यकर्त्यांची समजूत काडपाचो यत्न चालू आसा. मुख्यमंत्री डॉ. सावंत परतून राज्यांत आयले उपरांत चर्चा जातली आनी गरजेचे उपाय सोदून काडटले. पक्षाचो निर्णय मान्य करचो पडटा. पक्षान घेतिल्ल्या निर्णयाक लागून कार्यकर्ते नाराज जाले तरी पक्षाचो निर्णय मान्य करचो पडटलो अशें विश्वनाथ दळवी हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
