भांगरभूंय | प्रतिनिधी
फोंडेंः फोंडें वाठारांत शुक्रारा सकाळीं सुमार 8.30 वरांचेर आपल्या घराच्या छप्परा वयल्यान उडी मारून 17 वर्सां पिरायेच्या विद्यार्थ्यान आत्महत्या करपाचो यत्न केलो. विद्यार्थ्याक गंभीर अवस्थेंत जीएमसींत दाखल केलो. फोंडें पुलिसांनी हे घडणुकेचो पंचनामो केलो.
बारावेच्या परिक्षेचो निकाल शेनवारा जाहीर जातलो आनी ताचे आदीं शुक्रारा सकाळीं विद्यार्थ्यान छप्परा वयल्यान उडी मारली. विद्यार्थ्याची भलायकी गंभीर आशिल्ल्यान जीएमसींत धाडलो. विद्यार्थ्यान कांय दिसां आदीं बारावेची परिक्षा दिल्ली. शेनवारा परिक्षेचो निकाल जाहीर जातलो ताच्या भंयान ताणें उडी मारिल्ल्याचो दुबाव उक्तायतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
