भांगरभूंय | प्रतिनिधी
पणजीः मुख्यमंत्री डॉ. प्रमोद सावंत हांची काल बिरेस्तारा पुण्यांतल्या रुबी हॉल क्लिनिक हॉस्पिटलांत नियमित भलायकी तपासणी जाली. तांची भलायकी स्थिर आसा अशें डॉ. पुरवेझ ग्रांट हांणी सांगलें.
विशेश म्हणल्यार बिरेस्तारा, 19 मार्चाक तांणी मुख्यमंत्री पदाची सात वर्सां पूर्ण केलीं. दनपरां पुण्यांतल्या हॉस्पिटलांत नियमित भलायकी तपासणी जाली. तांचे सगळे चांचणेचे अहवाल बरे आसात. तांकां आयज दनपारां मेरेन हॉस्पिटलांतल्यान डिस्चार्ज दितले. आजय ते पुण्यां रावतले आनी फाल्यां शेनवारा गोंयांत येतले अशें डॉ. पुरवेझ ग्रांट हांणी सांगलें.
हृदयरोग तज्ञ डॉ. समीन शर्मा हांणी ही शस्त्रक्रिया केली. डॉ. सावंत हांकां निरीक्षणा खाला दवरलां आनी तांची भलायकी सध्या स्थीर आसा अशी म्हायती हॉस्पिटलाचे हृदयरोग सेवा विभागाचे चेअरमन आनी मुखेल कार्डिओलॉजिस्ट डॉ.पुरवेझ ग्रांट हांणी दिली.
मजगतीं, ही एक नियमित भलायकी तपासणी आशिल्ली. म्हजी भलायकी बरी आसा अशें मुख्यमंत्री डॉ. प्रमोद सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
