भांगरभूंय | प्रतिनिधी
भांगरभूंय । प्रतिनिधी
पणजीः सुवात अजून निश्चित जावंक नाशिल्ले कारणांन गोंय भाशा भवनाचें काम आडखून उरलां. ह्या प्रकल्पा खातीर 19 कोटी इतले निधीची तजवीज लेगीत जाल्या. पूण प्रकल्पाची सुवात निश्चित जावंक नाशिल्ले कारणान हो नीधी वापराविणें पडून आसा, अशी म्हायती राजभास संचालनालयान दिल्या.
राज्यांत एक भव्य अशें गोंय भाशा भवन घालपाचो प्रस्ताव सरकारान दवरला आनी ह्या प्रकल्पाची अंमलबजावणी राजभास संचालनालया वरवीं जाता. पूण हे भाशा भवन बांदपा खातीर अजूनय योग्य असो प्लॉट फावो जावंक ना देखून भाशा भवनाचें बांदकामा अजून मेरेन हातांत घेवंक ना.
फाटले तीन वर्सा भाशा भवन बांदपा खातीर 19 कोटी इतली तजवीज अंर्थसंकल्पांत केल्ली. वर्स 2023-2024त 9 कोटी, 2024-2025त परत 9 कोटी आनी आतां परत 2025-26त एक कोटीची तरतूद जाल्या. पूण सुवात नाशिल्ले कारणांन हो निधी विना वापर पडून आसा.
पूण, जी सुवात गोवा कोंकणी अकादमीक दिल्ली ती बाबत परिस्थितींत आशिल्ली. हे कारणांक लागून अस्तिवांत आशिल्ली गोवा कोंकणी अकादमी नवे सुवातेर बीएसएनएल इमारत पाट्टो पणजे हांगासर व्हेल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
