भांगरभूंय | प्रतिनिधी
17283 विद्यार्थ्यांनी दिल्ली परिक्षा
भांगरभूंय । प्रतिनिधी
पणजी : गोंय शालांत मंडळान 10 फेब्रुवारी ते 27 फेब्रुवारी मजगतीं घेतिल्ले यत्ता बारावेचे परिक्षेचो निकाल शेनवारा 21 मार्चाक सांजेच्या 5 वरांचेर जाहीर जातलो. ही परिक्षा 20 केंद्रांचेर जाल्ली. कला, वाणीज्य, विज्ञान आनी वेवसायीक फांट्यांन मेळून 17283 विद्यार्थ्यांनी ही परिक्षा दिल्ली.
पर्वरेच्या गोंय शालांत मंडळ इमारतींतल्या परिशद घरांत सांजेच्या 5 वरांचेर पत्रकार परिशदेंत निकाल जाहीर जातलो. सगळ्या विद्यालयांक तांच्या लॉगिनाचेर 25 मार्च उपरांत एकवटीत निकाल उपलब्ध जातलो. तशेंच http://results.gbshsegoa.net या संकेतथळाचेर निकाल उपलब्ध जातलो.
अंदूं कला फांट्यांत 4110 (1260 भुरगें, 2850 चलयो), वाणीज्य फांट्यांत 5313 (2842 भुरगें, 2471 चलयो), विज्ञान फांट्यांत 5428 (2393 भुरगें, 3035 चलयो) आनी वेवसायीक फांट्यांत 2432 (1708 भुरगें, 724 चलयो) विद्यार्थ्यांनी परिक्षा दिल्या.
हे भायर खासगी उमेदवार (पयलेच खेपो) 139, खासगी उमेदवार (काय विशय घेवन) 28 जणांनी परिक्षा दिल्या. एनएसक्यूएफ 1282, सीडब्लूएसएन 214 विद्यार्थ्यांनी परिक्षा दिल्या. ते भायर पयलीचे (अनुत्तीर्ण) सगळे विशय घेवन 15 जाल्यार काय विशय घेवन (अनुत्तीर्ण) 471 विद्यार्थ्यांनी अंदूं बारावेची परिक्षा दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
