भांगरभूंय | प्रतिनिधी
भांगरभूंय । पत्रक
मडगांवः कोंकणीचो संविधानाच्या आठव्या परिशिश्टांत आसपाव केल्ल्या त्या दिसाची याद करपा खातीर शेनवार 20 ऑगस्टाक आयोजीत केल्लो चौगुले म्हाविद्यालयांतलो पयलो सृजनोत्सव व्हडा उमेदीन जालो. चौगुले म्हाविद्यालयाचो कोंकणी विभाग आनी बुटकाक यादस्तीक प्रतिश्ठानाच्या चलो स्कूल मेगा ड्रायव्ह अभियानाच्या जोड पालवान म्हाविद्यालयाच्या सभाघरांत ही कार्यावळ जाली.
सृजनहोत्सवाक गोंय विद्यापिठांतल्या शणै गोंयबाब भाशा अध्यापन म्हाशाळेच्या कोंकणी विभागांत शिकोवपी डॉ. हनुमंत मंत चोपडेकार मुखेल सोयरे म्हणून हाजीर आशिल्ले. चौगुले म्हाविद्यालया साकक्या शिंपयात तुमी आशिल्ल्यान मोतयां जावपा पसून तुमकां कोणूच आडावपाक शकनात अशें तांणी विद्यार्थ्यांक सांगलें.
कार्यावळीचें उक्तावण फुलांच्या रोप्यांक उदक घालून जालें. येवकार गीतान कार्यावळीक सुरवात जाली. म्हाविद्यालयाच्या कोंकण विगागाचे मुखेली डॉ गुणाजी सदानंत देसाय हांणी आपल्या प्रास्ताविकांक झडांक जेन्न उदक, वत, सारें मेळटा तेन्ना ती बरी पिकावळ दितात, तशेंच भुरग्यांक जेन्ना बरे संस्कार आनी शिकवण मेळटा तेन्नाच तीं मुखार पावपाक शकतात अशें सांगलें. तांणी मुखेल डॉ चोपडेकार हांची वळख करून दिली.
चौगुले म्हाविद्यालयाचे भाशा विभागाचे अधिश्टाते आनी समाजशास्त्र विभागाचे मुखेली प्रा. सचीन मोरायस हांणी कोंकणी भाशे विशीं अभिमान आसपाक जाय तशेंच दरेका गोंयकारान तिका मान दिवपाक जाय अशें सांगलें. कार्यावळीचें सूत्रसंचालन रिया कुडाळकार हिणे केलें. सहाय्यक प्राध्यापिका ग्लिनीस डायस हिणे उपकार मानले. कार्यावळीक विद्यार्थी व्हडा संख्येन हाजीर आशिल्ले. सहाय्यक प्राध्यापिका शिवानी श्रीहरी वेरेंकार आनी कोंकणी विभागांतल्या विद्यार्थ्यांनी कार्यावळ येसस्वी करपाक परिक्षम घेतले.
——————————————————————————————
(ब्रह्मेशानंद स्वामी फोटो)
कॅप्शन- सदानंदाचार्य स्वामी पुण्यतीथ कार्यावळींत उलयतना स्वामी ब्रह्मेशानंदाचार्य
जात-पात कुशीक दवोरून आमी भारतीय
हें मतींत दवोरपाक जायः स्वामी ब्रह्मेशानंद
भांगरभूंय । पत्रक
कुंडयः सनातन वैदीक हिंदू धर्मांत गुरूची सुवात सगल्यांत श्रेश्ठ आसा. नामस्मरण होच मनशाच्या कल्याणाचो मार्ग आसा. देव, देश, धर्मा विशीं भक्ती प्रतिश्ठीत करपा खातीर मठ- मंदिरां आसात. फाटल्या 75 वर्सांत देशान खूब प्रगती केल्या. सुवार्थ कुशीक दवोरून देश, समाजा खातीर फुडें येवपाची गरज आसा. धर्म, पंथ, समाज, जात-पात कुशीक दवोरून आमी भारतीय ही गजाल विसरपाक जायना अशें दत्त पद्मनाभ पिठाधीश स्वामी ब्रह्मेशानंद हांणी सांगलें.
सद्गुरू सदानंदाचार्य स्वीमीचे पुण्यतीथ तशेंच आझादी का अमृत महोत्सव कार्यावळींत परंधाम गुळदुवे हांका स्वामी उलयताले. सकाळच्या सत्रांत सद्गुरू भक्ती महायज्ञ, सद्गुरू समाधी म्हापूजा, काशिविश्वेश्वर रुद्राभिशेक जालो. गुळदेवे पंचक्रोशीतल्या ग्रामस्थां वतीन कालोत्सव, पार्थना, पूर्णाहूती आनी म्हाप्रसाद जालो. माचयेर महाराष्ट्राचो शिक्षण मंत्री दीपक केसरकर, ब्राह्मीदेवी आशिल्ली.
कार्यावळींत राष्ट्रगीताच्या उद्घोशांत पालखी मिरवणूक जाती. उपरांत स्वामीचें आशीर्वचन, म्हाआरत्यो, पसायदान, आनी दर्शन सुवाळो जालो. सूत्रसंचालन राजेश दळवी हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
